ഏഷ്യൻ കപ്പ്​ പ്രീ ക്വാർട്ടർ: ഒമാനെതിരെ ഇറാന്​ ജയം

അബൂദബി: ഏഷ്യൻ കപ്പി​​െൻറ ആവേശകരമായ പ്രീ ക്വാർട്ടറിൽ ഒമാനെതിരെ ഇറാന്​ രണ്ട്​ ഗോൾ ജയം. 58ാം സെക്കൻഡിൽ ലഭിച്ച പെന ാൽറ്റി പാഴാക്കിയതടക്കമുള്ള പിഴവുകൾക്ക്​ ഒമാന്​ തോൽവികൊണ്ട്​ വിലയൊടുക്കേണ്ടിവന്നു . മുഹ്​സിൻ ഗസാനിയെ മാജിദ്​ ഹുസൈനി ഫൗൾ ചെയ്​തതിന്​ ലഭിച്ച പെനാൽറ്റി കിക്കെടുത്തത്​ ഒമാൻ നായകൻ അഹ്​മദ്​ അൽ മഹ്​രിജി. പോസ്​റ്റി​​െൻറ വലതു മൂലയി​േലക്കുള്ള കിക്ക്​ ഇറാൻ ഗോൾകീപ്പർ അലി റീസ ഗോളാകാതെ കാത്തു. 31ാം മിനിറ്റിൽ ഒമാൻ ഡിഫൻഡർ മുഹമ്മദ്​ അൽ മുസല്ലമിയുടെ പിഴവ്​ മുതലെടുത്താണ്​ ഇറാൻ ലീഡ്​ നേടിയത്​. മിഡ്​ ഫീൽഡർ അലി റിസ ജഹാ​​െൻറ ആദ്യ ഗോളോടെ ഇറാൻ വർധിതവീര്യം കാട്ടി.

39ാം മിനിറ്റിൽ ഇറാന്​ അനുകൂലമായ പെനൽറ്റി ലഭിച്ചു. മഹ്​ദി തരീമിയെ സാദ്​ അൽ മുഖൈനി പിന്നിൽനിന്ന്​ ടാക്കിൾ ചെയ്​തതിന്​ ലഭിച്ച പെനാൽറ്റി കിക്ക്​ സൈദ്​ അഷ്​കൻ വലയിലെത്തിച്ചു. സലാഹ്​ അൽ യഹ്​യാഇക്ക്​ പകരം ഖാലിദ്​ അൽ ഹാജിരിയുമായാണ്​ ഇടവേളക്ക്​ ശേഷം ഒമാൻ ഇറങ്ങിയത്​. രണ്ടാം പകുതിയിലും ഇരു ടീമുകളും കളം നിറഞ്ഞ്​ കളിച്ചെങ്കിലും ഗോൾ മാത്രം പിറന്നില്ല. ഒമാ​​െൻറ ഒന്നുരണ്ട്​ മുന്നേറ്റങ്ങളൊ​ഴികെയെല്ലാം എതിർ ബോക്​സിലെത്തും മുമ്പ്​ മുന​യൊടിഞ്ഞു. ഇറാനാക​െട്ട മൂന്ന്​ സുവർണാവസരങ്ങൾ നെയ്​തെടുത്തെങ്കിലും ലക്ഷ്യത്തിലെത്തിക്കാതെ തുലച്ച്​ കളയുകയായിരുന്നു.