അഗ്യൂറോക്ക്​ കാൽമുട്ടിന്​ പരിക്ക്​; ആശങ്കയോടെ അർജൻറീന ആരാധകർ

അർജൻറീനയുടെ സൂപ്പർ താരം സെർജിയോ അഗ്യൂറോക്ക്​ വലത്​ കാൽമുട്ടിന്​ പരിക്ക്​. മാഞ്ചസ്റ്റർ സിറ്റിയുടെ മുന്നേറ്റ താരമായ അഗ്യൂറോ താക്കോൽ ദ്വാര ശാസ്​ത്രക്രിയക്ക്​ വിധേയനായതിനാൽ ഇൗ സീസണിൽ കളിക്കില്ലെന്ന്​ സിറ്റി കോച്ച്​ പെപ്​ ഗ്വാർഡിയോള അറിയിച്ചു​. ലോകകപ്പിന്​ മുമ്പ്​  ഫിറ്റ്​നസ്​ വീണ്ടെടുക്കാനുള്ള കഠിന പരിശ്രമത്തിലാണ്​ താരം.

ലയണൽ മെസ്സിക്കൊപ്പം അർജൻറീനിയൻ മുന്നേറ്റ നിരയിൽ കളിക്കേണ്ട താരത്തി​െ​ൻറ പരിക്ക്​ ആരാധകരെ നിരാശരാക്കിയിട്ടുണ്ട്​. ലോകകപ്പിന്​ മുന്നോടിയായി താരം ഫിറ്റ്​നസ്​ വീണ്ടെടുത്തില്ലെങ്കിൽ വർഷങ്ങളായുള്ള അർജൻറീനയുടെ കിരീട പ്രതീക്ഷയെ അത്​ ബാധിക്കും. 29കാരനായ അഗ്യൂറോയേ കൂടി മുന്നിൽ കണ്ടാണ് പരിശീലകൻ ജോർജ്ജ് സാമ്പോളി തന്ത്രങ്ങൾ മെനയുന്നത്​​.

എന്നാൽ അർജൻറീന ടീം ഡോക്​ടറുടെ വാക്കുകൾ ആരാധകരുടെ പ്രതീക്ഷകെടുത്തുന്നതാണ്​​. അഗ്യൂറോയുടെ പരിക്ക്​ ഗുരുതരമാണെന്നും ലോകകപ്പിനേക്ക്​ ഫിറ്റ്​നസ്​ വീണ്ടെുക്കാം എന്ന കാര്യത്തിൽ ഉറപ്പ്​ പറയാനാകില്ലെന്നും​ ടീം ഡോക്​ടർ ഹൊമറോ ഡി അഗസ്റ്റിനോ വ്യക്​തമാക്കി.