യാവിയർ മഷറാനോ അന്താരാഷ്ട്ര ഫുട്ബോളിൽ നിന്ന് വിരമിച്ചു

മോസ്കോ: അർജന്റീനൻ മിഡ്ഫീൽഡർ യാവിയർ മഷറാനോ അന്താരാഷ്ട്ര ഫുട്ബാളിൽ നിന്ന് വിരമിച്ചു. ലോകകപ്പ് പ്രീ ക്വാർട്ടറിൽ ഫ്രാൻസിനോട് തോറ്റതിന് പിന്നാലെയാണ് തീരുമാനം. ബാഴ്സലോണ, ലിവർപൂൾ ക്ലബുകളിൽ കളിച്ച താരമാണ് മഷറാനോ.

ഈ ലോകകപ്പോടെ വിരമിക്കുമെന്ന് താരം നേരത്തേ വ്യക്തമാക്കിയിരുന്നു. ഇന്ന് അർജൻറീനക്കായി 147ാം മത്സരത്തിനായാണ് അദ്ദേഹം കളത്തിലെത്തിയത്. 2003ൽ അരങ്ങേറ്റം കുറിച്ച  അദ്ദേഹം നാല് ലോകകപ്പിൽ ബൂട്ടണിഞ്ഞു.