ഏഷ്യ കപ്പ്​: ലങ്കക്ക്​ തോൽവി

ദുബൈ: ഏഷ്യ കപ്പ്​ ക്രിക്കറ്റ്​ ടൂർണമ​​​െൻറിലെ ആദ്യമത്സരത്തിൽ ശ്രീലങ്കക്ക്​ തോൽവി​. 137 റൺസിനാണ്​ ബംഗ്ലാദേശ്​ ശ്രീലങ്കയെ തകർത്ത്​ വിട്ടത്​. 261 റൺസ്​ വിജയലക്ഷ്യവുമായി ഇറങ്ങിയ ലങ്ക 124 റൺസിന്​ ഒാൾ ഒൗട്ടായി. തകർപ്പൻ സെഞ്ച്വറി നേടിയ മുശ്​ഫിഖുർറഹീമി​​​​െൻറ (144) ബാറ്റിങ്ങി​​​​െൻറ കരുത്തിലാണ്​ബംഗ്ലാദേശ്​ 261 റൺസെടുത്തത്​. 63 റൺസെടുത്ത മുഹമ്മദ്​ മിഥുൻ പിന്തുണ നൽകി.

ലസിത്​ മലിംഗയുടെ ആദ്യ ഒാവറിൽതന്നെ ലിറ്റൺ ദാസിനെയും (0) ശാകിബുൽ ഹസനെയും (0) നഷ്​ടമായതിന്​ പിന്നാലെ തമീം ഇഖ്​ബാൽ (2) പരിക്കേറ്റ്​ മടങ്ങുകയും ചെയ്​ത​േതാടെ ബംഗ്ലാദേശ്​ മൂന്നു വിക്കറ്റിന്​ രണ്ട്​ റൺസെന്ന നിലയിലായിരുന്നു.

തുടർന്ന്​ 131 റൺസി​​​​െൻറ കൂട്ടുകെട്ടുയർത്തിയ മുശ്​ഫിഖും മിഥുനും ചേർന്ന്​ ടീമിനെ കരകയറ്റുകയായിരുന്നു. 150 പന്തിൽ നാലു സിക്​സും 11 ഫോറുമടക്കമാണ്​ മുശ്​ഫിഖ്​ 144ലെത്തിയത്​. മലിംഗ 23 റൺസിന്​ നാലു വിക്കറ്റ്​ വീഴ്​ത്തി.