ബാഴ്​സക്ക്​ വീണ്ടും ജയം; ലാലിഗ ഫോ​ട്ടോ ഫിനി​ഷി​േലക്കോ?

ബാഴ്​സലോണ: ഉറുഗ്വായ്​ താരം ലൂയി സുവാരസിൻെറ ഏക ഗോളിൽ സ്​പാനിഷ്​ ലീഗിൽ ബാഴ്​സലോണക്ക്​ ജയം. നൂകാംപിൽ നടന്ന മത്സരത്തിൽ എസ്​പാന്യോളിനേയാണ്​ മെസ്സിയും കൂട്ടരും തകർത്തത്​. ഇതോടെ സ്​പാനിഷ്​ ലീഗിൽ ബാഴ്​സ കിരീട പ്രതീക്ഷകൾ നിലനിർത്തി. 

മത്സരത്തിൻെറ പകുതി സമയവും പത്ത്​ പേരുമായാണ്​ ഇരുടീമുകളും കളിച്ചത്​. 50ാം മിനിറ്റിൽ ബാഴ്​സയുടെ അൻസു ഫാറ്റിയും 53ാം മിനിറ്റിൽ  എസ്​പാന്യോളിൻെറ പോൾ ലോസാനോയും  ചുവപ്പുകാർഡ്​ കണ്ടു. രണ്ടാംപകുതിയിൽ നെൽസൺ സെമേഡോക്ക്​ പകരക്കാരനയി ഇറങ്ങിയതായിരുന്നു അൻസു ഫാറ്റി. 56ാം മിനിറ്റിലായിരുന്നു സുവാരസിൻെറ വിജയഗോൾ പിറന്നത്​.

35 മത്സരങ്ങളിൽനിന്ന്​ 76 പോയൻറുമായി രണ്ടാം സ്​ഥാനത്താണ്​ ബാഴ്​സലോണ. ഒന്നാംസ്​ഥാനത്തുള്ള റയലിന്​ 34 മത്സരങ്ങളിൽനിന്ന്​ 77 പോയൻറുണ്ട്​​​. മൂന്ന്​ മത്സരങ്ങൾ മാത്രമാണ്​ നിലവിലെ ചാമ്പ്യൻമാരായ ബാഴ്​സക്ക്​ ബാക്കിയുള്ളത്​. ഇതിൽ രണ്ടെണ്ണം എവേ മത്സരമാണെന്നത്​ ആരാധകരുടെ ചങ്കിടിപ്പേറ്റുന്നു. 

ജൂലൈ 11ന്​ ഡി​പ്പോർട്ടിവോ അലാവ്​സ്​, 14ന്​ ഗ്രാനാഡ, 15ന്​ വിയ്യാറയൽ, 19ന്​ ലെഗാനസ്​ എന്നിവരുമായിട്ടാണ്​ റയലിൻെറ ബാക്കി മത്സരങ്ങൾ. അത്​ലറ്റിക്​ ബിൽബാഓയോടെയായിരുന്നു റയലിൻെറ അവസാനം മത്സരം. റാമോസിൻെറ പെനാൽറ്റി ഗോളിൽ റയൽ കിരീടത്തോട്​ അടുക്കുകയായിരുന്നു.

ലാലിഗ പുനരാരംഭിച്ച ശേഷം പുറത്തെടുത്ത ഏറ്റവും മികച്ച കളിയുടെ മികവിൽ കഴിഞ്ഞദിവസം ബാഴ്​സലോണ വിയ്യാറയലിനെ 4-1ന്​ തകർത്തിരുന്നു. തുടർച്ചയായ രണ്ട്​ സമനിലകൾക്ക്​ ശേഷമായിരുന്നു ബാഴ്​സയുടെ ജയം. ബുധനാഴ്​ച സെൽറ്റ വിഗോയും അത്​ലറ്റികോ മാഡ്രിഡും സമനിലയിൽ പിരിഞ്ഞു (1-1). 35 മത്സരങ്ങളിൽനിന്ന്​ 63 പോയൻറുള്ള അത്​ലറ്റികോ മാഡ്രിഡ്​ മൂന്നാം സ്​ഥാനത്തുണ്ട്​. 
 

Suarez scores for Barca#Barcelona pic.twitter.com/ItT1rS5roC

— (@gingerlx___) July 8, 2020