ലെവൻഡോവ്​സ്​കിക്ക്​ ഹാട്രിക്; ഹാംബർഗിനെ തരിപ്പണമാക്കി ബയേൺ​

മ്യൂണിക്​: പോളണ്ട്​ താരം റോബർട്ട്​ ലെവൻഡോവ്​സ്​കി ഹാട്രിക്കുമായി കളംവാണ മത്സരത്തിൽ ബയേൺ മ്യൂണിക്കിന്​ തകർപ്പൻ ജയം. ഹാംബർഗിനെ 6-0ത്തിനാണ്​ ബുണ്ടസ്​ ലിഗ ചാമ്പ്യന്മാർ തരിപ്പണമാക്കിയത്​. ​ഫ്രഞ്ച്​ താരം ഫ്രാങ്ക്​ റിബറിയാണ് (8, 81)​ ഗോൾവേട്ടക്ക്​ തുടക്കമിട്ടത്​.

പിന്നാലെ, റോബർട്ട്​ ലെവൻഡോവ്​സ്​കി സ്​കോറിങ്​ ഏറ്റെടുത്തു. 12, 19 മിനിറ്റുകളിൽ ഗോൾ നേടിയ താരത്തിന്​ 86ാം മിനിറ്റിൽ വീണുകിട്ടിയ പെനാൽറ്റി നശിപ്പിച്ചെങ്കിലും 90ാം മിനിറ്റിൽ വീണ്ടും ലഭിച്ച െപനാൽറ്റി ഗോളാക്കി ഹാട്രിക്​ തികച്ചു.

ആര്യൻ റോബനാണ് (55)​ മറ്റൊരു ഗോൾ നേടിയത്​. ബുണ്ടസ്​ ലിഗയിൽ നിലവിൽ ടോപ്​ സ്​കോററാണ്​ ലെവൻഡോവ്​സ്​കി (23). 20 പോയൻറി​​െൻറ വ്യത്യാസത്തിൽ ഒന്നാമതുള്ള ബയേൺ കിരീടത്തിലേക്ക്​ അടുക്കുകയാണ്​.