ലോകകപ്പ്​ ടീമിലിടമില്ല; ജർമൻ സ്​ട്രൈക്കർ സാൻഡ്രോ വാഗ്​നർ വിരമിക്കുന്നു

മ്യൂണിക്​: ലോകകപ്പ്​ ടീമിൽ നിന്നും പുറത്തായതോടെ ജർമൻ സ്​ട്രൈക്കർ സാൻഡ്രോ വാഗ്​നർ അന്താരാഷ്​ട്ര ഫുട്​ബാളിൽനിന്നും വിരമിക്കൽ പ്രഖ്യാപിച്ചു. യോആഹിം ലോയ്​വ്​ പ്രഖ്യാപിച്ച 27 അംഗ ടീമിൽ 30കാരനായ ബയേൺ മ്യൂണിക്​ സ്​ട്രൈക്കർ ഉൾപ്പെട്ടിരുന്നില്ല.

ബയേൺ മ്യൂണിക്​ ഫുട്​ബാൾ അക്കാദമിയിൽനിന്ന്​ കളി പഠിച്ചുവളർന്ന താരത്തിന്​ ദേശീയ ടീമിൽ കാര്യമായ അവസരം ലഭിച്ചിരുന്നില്ല. 2017 ജൂണിൽ ഡെൻമാർക്കിനെതിരെയാണ്​ അരങ്ങേറ്റം. എട്ടു മത്സരം മാത്രം കളിച്ച താരം അഞ്ചു ഗോളുകളും നേടിയിട്ടുണ്ട്​. കോൺഫെഡറേഷൻസ്​ കപ്പിൽ ജർമൻ ടീമിനോടൊപ്പമുണ്ടായിരുന്നു.