പന്ത്​ കൈമാറാൻ ​ൈ​മതാനിയിൽ കരടി; വിവാദമായി റഷ്യൻ ലീഗ്​ മത്സരം

ഒരു ഫുട്​ബോൾ മത്സരം തുടങ്ങുന്നതിന്​ മുമ്പ്​ റഫറിക്ക്​ പന്ത്​ കൈമാറുന്നുതിന്​ ഒരു കരടി മൈതാനിയിലേക്ക്​ വന്നാൽ എങ്ങനെയിരിക്കും. അതും ടിം എന്നു പേരുള്ള സാക്ഷാൽ ഒറിജിനൽ കരടി. കഴിഞ്ഞ ദിവസം റഷ്യൻ ലീഗി​ലെ മൂന്നാം ഡിവിഷൻ ക്ലബുകളായ എഫ്.സി ആൻ്‍​ഗുസ്റ്റ് നസ്റാനും മഷൂഖ് കെ.എം.വിയും തമ്മിലുള്ള മത്സരത്തിന്​ മുന്നോടിയായി ഗ്രൗണ്ടിലേക്ക്​ വന്ന കരടി കാണികളിൽ കൗതുകം പടർത്തി.

മാന്തിപ്പൊളിക്കാതെ കയ്യിലുള്ള പന്ത് വളരെ ശാന്തനായി​ കരടി റഫറിക്ക്​ കൈമാറി. കൂടാതെ കൈകൾ മുട്ടി കളിക്കാർക്കും ആരാധകർക്കും ആവേശം പകരാനും ടിം മറന്നില്ല. ലോകകപ്പ് ഉദ്​ഘാടന മത്സരത്തിന് വേണ്ടിയുള്ള തയ്യാറെടുപ്പായിരുന്നു ഇതെന്ന്  റിപ്പോർട്ടുകളുണ്ടെങ്കിലും ഫിഫ അത്​ നിഷേധിച്ചതായി പറയപ്പെടുന്നു.

എന്നാൽ ഫുട്​ബോൾ മത്സരത്തിന്​ കരടിയെ കൊണ്ടുവന്ന്​ ഷോ കാണിച്ചത്​ മൃഗ​സ്​​േനഹികൾക്ക്​ പിടിച്ചിട്ടില്ല. അവർ സംഭവത്തിനെതിരെ കടുത്ത പ്രതിഷേധവുമായി രംഗത്തുവന്നു. റഷ്യയുടെ ചിഹ്നമായി അറിയപ്പെടുന്ന യുറേഷ്യൻ ബ്രൗൺ കരടിയെയാണ്​ മൈതാനിയിൽ ഇറക്കിയതെന്നതും പ്രതിഷേധങ്ങൾക്ക്​ മൂർച്ച കൂട്ടി.