അണ്ടർ 17 ലോകകപ്പ്: മെക്സിക്കോയെ കീഴടക്കി ബ്രസീൽ ജേതാക്കൾ

അണ്ടർ 17 ലോകകപ്പ് ഫൈനലിൽ മെക്‌സിക്കോയെ വീഴ്ത്തി ബ്രസീൽ ജേതാക്കൾ(2-1). ഒരു ഗോളിന് പിന്നിൽനിന്ന ശേഷം 84-ാം മിനുട്ടിലു ം ഇഞ്ച്വറി ടൈമിലും ലക്ഷ്യംകണ്ടാണ് മഞ്ഞപ്പട കപ്പുയർത്തിയത്. മൂന്നാം സ്ഥാനക്കാർക്ക് വേണ്ടിയുള്ള പോരാട്ടത്തിൽ നെതർലന്റ്‌സിനെ ഒന്നിനെതിരെ മൂന്നു ഗോളുകൾക്ക് ഫ്രാൻസ് കീഴടക്കി.

സ്വന്തം നാട്ടുകാരുടെ മുന്നിൽ ബ്രസീൽ മികച്ച പ്രകടനം കാഴ്ചവെച്ചു. ആദ്യപകുതി ഗോൾരഹിതമായിരുന്നു. 66-ാം മിനുട്ടിൽ ബ്രയാൻ ഗോൺസാലസിലൂടെ മെക്‌സിക്കോ ലക്ഷ്യം കണ്ടു. 84-ാം മിനുട്ടിൽ വാർ ബ്രസീലിന്റെ രക്ഷക്കെത്തി. റഫറി സ്‌പോട്ടിലേക്ക് വിരൽചൂണ്ടിയപ്പോൾ കായോ ജോർജിന് പിഴച്ചില്ല. 93-ാം മിനുട്ടിൽ തകർപ്പൻ ഷോട്ടിലൂടെ ലസാറോ വിജയഗോൾ നേടുകയും ചെയ്തു.