സാലറി കട്ട്​ ഇല്ലെന്ന്​ ചെൽസി; പകരം പണം ദുരിതാശ്വാസ പ്രവർത്തനങ്ങൾക്ക്​

​ലണ്ടൻ: കോവിഡ്​ വ്യാപനത്തെ തുടർന്ന്​ ഫസ്​റ്റ്​ ടീം താരങ്ങളുടെ പ്രതിഫലം കുറക്കാനില്ലെന്നും പകരം മഹാമാരിയെ പ ്രതിരോധിക്കാൻ ദുരിതാശ്വാസ പ്രവർത്തനങ്ങൾക്ക്​ സംഭാവന ചെയ്യാൻ പ്രേരിപ്പിക്കുകയുമാണ്​ ഇംഗ്ലീഷ് ​പ്രീമിയർ ലീഗ്​ ക്ലബ്​ ചെൽസി. ഒരുമാസത്തോളമായി കളിക്കളങ്ങൾ അടച്ചിട്ടത്​ വരുമാനത്തെ ബാധിച്ചതിനാൽ കളിക്കാരോട് ​10 ശതമാനം വേതനം കുറക്കുന്നത് ​സംബന്ധിച്ച്​ ക്ലബ്​ ചർച്ച നടത്തിയെന്ന വാർത്തകൾക്കിടെയാണ്​ ലണ്ടൻ ക്ലബി​​െൻറ പുതിയ വെളിപ്പെടുത്തൽ.

താരങ്ങളുടെ പ്രതിഫലത്തിൽ 30 ശതമാനം കുറവ്​ വരുത്താനായിരുന്നു ​പ്രീമിയർ ലീഗ് ​ആവശ്യപ്പെട്ടത്​. ബ്രിട്ട​​െൻറ നാഷനൽ ഹെൽത്ത് സർവീസിന്​ സാമ്പത്തിക സഹായമേകാൻ പ്രീമിയർ ലീഗ്​ കളിക്കാർ ഈ മാസം ആരംഭിച്ച ‘പ്ലെയേഴ്​സ്​ ടുഗെതർ’ എന്ന പദ്ധതിയോട്​ സഹകരിക്കാനാണ് ചെൽസിയുടെ​ നീക്കം.

കോവിഡ്​ പശ്ചാത്തലത്തിൽ സർക്കാർ ജീവക്കാരെ പിരിച്ചുവിടുന്നതിനായി കൊണ്ടുവന്ന പദ്ധതി പ്രയോജനപ്പെടുത്തേണ്ടെന്നാണ്​ ക്ലബ്​ തീരുമാനം. നേരത്തെ പദ്ധതി പ്രകാരം സ്​റ്റാഫുകളെ പിരിച്ചുവിടാൻ ലിവർപൂൾ, ടോട്ടൻഹാം, ബേൺമൗത്ത്​ എന്നീടീമുകൾ തീരുമാനിച്ചിരുന്നെങ്കിലും കടുത്ത വിമർശനങ്ങളെത്തുടർന്ന്​ യൂടേൺ അടിക്കുകയായിരുന്നു.