മറഡോണ ‘പ്രതിമ’യെ ട്രോളി ആരാധകർ

കൊൽക്കത്ത: അർജൻറീന ഇതിഹാസതാരം ഡീഗോ മറഡോണയുടെ വെങ്കലപ്രതിമയെ ‘ട്രോളി’ സാമൂഹിക മാധ്യമങ്ങൾ. തിങ്കളാഴ്​ച കൊൽക്കത്തയിൽ മറഡോണ അനാച്ഛാദനം ചെയ്​ത 12 അടി ഉയരമുള്ള പ്രതിമയാണ്​ രൂപസാദൃശ്യത്തി​​െൻറ പേരിൽ ആരാധക വിമർശനത്തിന്​ വഴിയൊരുക്കിയത്​. ഒരുകൈയിൽ ലോകകപ്പുമായി നിൽക്കുന്ന മറഡോണയുടെ യൗവനകാലമാണ്​ ആവിഷ്​കരിച്ചത്​. എന്നാൽ, പ്രതിമക്ക്​ മറ്റാരുമൊക്കെയായി രൂപസാദൃശ്യമെന്നാണ്​ സാമൂഹിക മാധ്യമങ്ങളിലെ കണ്ടെത്തൽ. ഫുട്​ബാൾ കോച്ച്​ റോയ്​ ഹോഡ്​സൻ, ഗായിക സുസൻ ബൊയ്​ലെ എന്നിവരുമായും സാമ്യത കണ്ടെത്തി. നേരത്തെ പോർചുഗലിൽ സ്​ഥാപിച്ച ക്രിസ്​റ്റ്യാനോ റൊണാൾഡോയുടെ വിവാദ പ്രതിമയുമായും ചിലർ താരതമ്യം ചെയ്​തു.