അണ്ടർ-17 ലോകകപ്പ്: തുർക്കി, സ്പെയിൻ, ഇംഗ്ലണ്ട് ഇന്ത്യയിലേക്ക്
text_fieldsസാഗ്റബ്: അണ്ടർ-17 ലോകകപ്പിെൻറ യൂറോപ്യൻ പ്രതിനിധികളുടെ ചിത്രം വ്യക്തമായി. യുവേഫ ചാമ്പ്യൻഷിപ് സെമിയിൽ കടന്ന് തുർക്കി, സ്പെയിൻ, ഇംഗ്ലണ്ട്, ജർമനി എന്നിവർ ഇന്ത്യയിേലക്കുള്ള ടിക്കറ്റ് ഉറപ്പിച്ചു. അണ്ടർ-17 ചാമ്പ്യൻഷിപ്പിൽ വെള്ളി, ശനി ദിവസങ്ങളിലായി നടന്ന ക്വാർട്ടർ ഫൈനലിൽ തുർക്കി, ഹംഗറിയെയും (1-0), സ്പെയിൻ-ഫ്രാൻസിനെയും (3-1), ഇംഗ്ലണ്ട്-അയർലൻഡിനെയും (1-0), ജർമനി-നെതർലൻഡ്സിനെയും (2-1)തോൽപിച്ച് ലോകകപ്പ് യോഗ്യത നേടി. യൂറോപ്പിൽനിന്നും അഞ്ച് ടീമുകൾക്കാണ് അവസരം. സെമിഫൈനലിലെത്തുന്ന നാല് ടീമിനു പുറമെ, ക്വാർട്ടർ ഫൈനലിൽ തോറ്റവരിൽ രണ്ടുപേർ മത്സരിക്കുന്ന പ്ലേഒാഫിലൂടെ ഒരു ടീംകൂടി യൂറോപ്പിെൻറ പ്രതിനിധികളായി ഇന്ത്യയിൽ കളിക്കും.ഇതോടെ, അണ്ടർ-17 ലോകകപ്പിൽ പെങ്കടുക്കുന്ന 24ൽ 19 ടീമുകൾ ആരെന്ന് തീരുമാനമായി. നാല് ബർത്തുള്ള ആഫ്രിക്കയുടെ യോഗ്യത റൗണ്ടിന് ഞായറാഴ്ച തുടക്കംകുറിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.