മൊറോക്കോ പുറത്തേക്ക്​; പ്രീക്വാർട്ടർ സാധ്യത നിലനിർത്തി പോർച്ചുഗൽ

മോ​സ്​​കോ: സൂ​പ്പ​ർ താ​രം ക്രി​സ്​​റ്റ്യാ​നോ റൊ​ണാ​ൾ​ഡോ ഒ​രി​ക്ക​ൽ​കൂ​ടി ര​ക്ഷ​ക​നാ​യ​പ്പോ​ൾ പോ​ർ​ചു​ഗ​ലി​ന്​ ആ​ദ്യ ജ​യം. ​ഗ്രൂ​പ്​ ബി​യി​ൽ മൊ​റോ​ക്കോ​യെ ഏ​ക​പ​ക്ഷീ​യ​മാ​യ ഒ​രു ഗോ​ളി​ന്​ പ​രാ​ജ​യ​പ്പെ​ടു​ത്തി​യ പോ​ർ​ചു​ഗ​ൽ ര​ണ്ടു ക​ളി​ക​ളി​ൽ നാ​ലു​ പോ​യ​ൻ​റു​മാ​യി നോ​ക്കൗ​ട്ട്​ പ്ര​തീ​ക്ഷ വ​ർ​ണാ​ഭ​മാ​ക്കി. നാ​ലാം മി​നി​റ്റി​ൽ ഹെ​ഡ​റി​ലൂ​ടെ​യാ​യി​രു​ന്നു റൊ​ണാ​ൾ​ഡോ​യു​ടെ നി​ർ​ണാ​യ​ക ഗോ​ൾ.  

മി​ക​ച്ചു​നി​ന്ന​ത്​ മൊ​റോ​ക്കോ, ഗോ​ള​ടി​ച്ച​ത്​ പോ​ർ​ചു​ഗ​ൽ 

മ​ത്സ​ര​ത്തി​​െൻറ എ​ല്ലാ മേ​ഖ​ല​ക​ളി​ലും മി​ക​ച്ചു​നി​ന്നി​ട്ടും ഫി​നി​ഷി​ങ്ങി​ലെ പോ​രാ​യ്​​മ​കൊ​ണ്ടു​മാ​ത്ര​മാ​ണ്​ മൊ​റോ​ക്കോ തു​ട​ർ​ച്ച​യാ​യ ര​ണ്ടാം മ​ത്സ​ര​ത്തി​ലും പ​രാ​ജ​യ​മേ​റ്റു​വാ​ങ്ങി​യ​ത്. 
ആ​ദ്യ ക​ളി​യി​ൽ ഇ​റാ​​നെ​തി​രെ വ്യ​ക്​​ത​മാ​യ മു​ൻ​തൂ​ക്ക​മു​ണ്ടാ​യി​ട്ടും അ​വ​സാ​ന​ഘ​ട്ട​ത്തി​ൽ വ​ഴ​ങ്ങി​യ സെ​ൽ​ഫ്​ ഗോ​ളി​ൽ ക​ളി കൈ​വി​ട്ട ആ​ഫ്രി​ക്ക​ക്കാ​ർ പോ​ർ​ചു​ഗ​ലി​നെ​തി​രെ അ​തി​ലും മി​ക​ച്ച ക​ളി​യാ​ണ്​ കെ​ട്ട​ഴി​ച്ച​ത്. ബോ​ൾ പൊ​സ​ഷ​നി​ലും (53-47) പാ​സി​ങ്ങി​ലും (467-394) ഷോ​ട്ടു​ക​ളി​ലും (16-10) ല​ക്ഷ്യ​ത്തി​ലേ​ക്കു​ള്ള ഷോ​ട്ടു​ക​ളി​ലും (10-4) എ​ല്ലാം മു​ൻ​തൂ​ക്കം മൊ​റോ​ക്കോ​ക്കാ​യി​രു​ന്നു. എ​ന്നാ​ൽ, ഗോ​ൾ​വ​ല കു​ലു​ക്കു​ക​യെ​ന്ന ആ​ത്യ​ന്തി​ക ല​ക്ഷ്യം മാ​ത്രം അ​വ​രി​ൽ​നി​ന്ന്​ അ​ക​ന്നു​നി​ന്നു.  

മെ​ാ​റോ​ക്കോ​യു​ടെ 16 ശ്ര​മ​ങ്ങ​ളി​ൽ നാ​ലെ​ണ്ണ​മാ​യി​രു​ന്നു ഗോ​ൾ ല​ക്ഷ്യ​മാ​ക്കി​യു​ള്ള​ത്. അ​തി​ൽ ര​ണ്ടെ​ണ്ണം ഉ​ജ്ജ്വ​ല​മാ​യ സേ​വി​ങ്ങി​ലൂ​ടെ പോ​ർ​ചു​ഗീ​സ്​ ഗോ​ളി റൂ​യി പാ​ട്രീ​ഷ്യോ ര​ക്ഷ​പ്പെ​ടു​ത്തു​ക​യാ​യി​രു​ന്നു.  ബെ​ർ​ണാ​ഡോ സി​ൽ​വ​യു​ടെ ക്രോ​സ്​ അ​ടി​ച്ച​ക​റ്റാ​നു​ള്ള ശ്ര​മ​ത്തി​ൽ മൊ​റോ​ക്കോ ​പ്ര​തി​രോ​ധം കോ​ർ​ണ​ർ വ​ഴ​ങ്ങി. ജാ​വോ മോ​ടീ​ന്യോ​യു​ടെ കോ​ർ​ണ​റി​ൽ ആ​റു വാ​ര ബോ​ക്​​സി​​െൻറ മ​ധ്യ​ത്തി​ൽ താ​ഴ്​​ന്നി​റ​ങ്ങി​യ​പ്പോ​ൾ ത​​െൻറ മാ​ർ​ക്ക​റെ ക​ബ​ളി​പ്പി​ച്ച്​ മു​ന്നോ​ട്ടു​ക​യ​റി​യ റൊ​ണാ​ൾ​ഡോ​യു​ടെ ത​ക​ർ​പ്പ​ൻ ഹെ​ഡ​ർ ഗോ​ളി മു​നീ​ർ മു​ഹ​മ്മ​ദി​ക്ക്​ അ​വ​സ​ര​മൊ​ന്നും ന​ൽ​കി​യി​ല്ല.