ബ്രസീലി​ൻെറ തോൽവി; തല മൊട്ടയടിച്ച് ബ്ലാസ്​റ്റേഴ്സിൻെറ സ്വന്തം മാനുപ്പ

അരീക്കോട്: അത്രമേൽ ഉറപ്പിലായിരുന്നു മാനുപ്പ; കാനറികളുടെ വിജയം പ്രവചിച്ച്, നാട്ടിലെ കൂട്ടുകാരോട് പന്തയംവെച്ച് ബ്രസീൽ-ബെൽജിയം കളി കാണാൻ നാട്ടുകാരോടൊപ്പമിരുന്ന കേരള ബ്ലാസ്​റ്റേഴ്സി​​െൻറ താരം എം.പി. സക്കീർ എന്ന മാനുപ്പ ത​​െൻറ ഹൃദയവികാരമായ ടീം പരാജയത്തിലേക്ക് വീണപ്പോൾ മുഖം പൊത്തി ഇരുന്നുപോയി.

രാവിലെ നേരെ ചെന്നത് അരീക്കോട്ടങ്ങാടിയിലെ ബാർബർ ഷോപ്പിലേക്ക്. ബ്രസീൽ പരാജയപ്പെട്ടാൽ തല മൊട്ടയടിക്കുമെന്ന് വീമ്പിളക്കിയ മാനുപ്പക്ക് വാക്ക് പാലിക്കാതെ രക്ഷയുണ്ടായില്ല. വിജയിക്കാൻ കഴിഞ്ഞില്ലെങ്കിലും ബ്രസീലിയൻ കളിക്കാരുടെ ആക്രമണ ഫുട്ബാളി​​െൻറ സൗന്ദര്യം മറ്റാർക്കും കാഴ്ചവെക്കാൻ കഴിയില്ലെന്ന് സക്കീർ പറയുന്നു. 

ചെന്നൈയിനിൽ നിന്നും ബ്ലാസ്​റ്റേഴ്​സിലെത്തിയ സക്കീർ സ്പാനിഷ് ലാ ലിഗ ക്ലബ് ജിറോണ എഫ്.സി, ഓസ്ട്രേലിയൻ ക്ലബ് മെൽബൺ എഫ്.സി തുടങ്ങിയ വൻ ടീമുകൾ പങ്കെടുക്കുന്ന കൊച്ചിയിലെ ടൂർണമെ​േൻറാടെ സീസൺ ആരംഭിക്കാനിരിക്കുകയാണ്​.