കോവിഡില്ല; കളി പുനരാരംഭിച്ച് തുർക്ക്മെനിസ്താൻ
text_fieldsആഷ്ഗാബട്ട്: ഈ കോവിഡ് കാലത്തും മധ്യേഷ്യൻ രാജ്യമായ തുർക്ക്മെനിസ്താനിൽ വീണ്ടും ഫുട്ബാൾ ആരവം. ലോകത്തെ സുപ്രധാന ലീഗുകൾ മത്സരങ്ങൾ പുനരാരംഭിക്കുന്നത് സംബന്ധിച്ച് ആശയക്കുയപ്പത്തിൽ നിൽക്കവേയാണ് താജിക്കിസ്താനു ം ബെലാറൂസിനും പിന്നാലെ തുർക്ക്െമനിസ്താനിലും മൈതാനങ്ങൾക്ക് വീണ്ടും ചൂടുപിടിച്ച് തുടങ്ങിയത്.
നിലവിലെ ജേതാക്കളായ അൽറ്റിൻ അസീറും കൊപറ്റ്ടാഗും തമ്മിൽ തലസ്ഥാന നഗരിയായ ആഷ്ഗാബത്തിൽ ഞായറാഴ്ച നടന്ന മത്സരം കാണാൻ 500ലേറെ കാണികളെത്തി. കാണികൾക്ക് പ്രവേശനം സൗജന്യമായിരുന്ന കളി 1-1ന് സമനിലയിൽ കലാശിച്ചു. മാസ്ക് പോലും ധരിക്കാതെയാണ് കാണികളിൽ ഏറെ പേരും മത്സരം വീക്ഷിച്ചത്.
കോവിഡ്-19 രോഗബാധ ഇനിയും സ്ഥിരീകരിച്ചില്ലെന്ന് അവകാശപ്പെടുന്ന രാജ്യത്തിൽ കൊറോണ എന്ന വാക്ക് ഉപയോഗിക്കാൻ ഡോക്ടർമാർക്ക് പോലും നിയന്ത്രണങ്ങളുണ്ട്. കോവിഡ് ഭീതിൽ മാർച്ച് 24 മുതൽ എട്ട് ടീമുകൾ പങ്കെടുക്കുന്ന ടൂർണമെൻറ് നിർത്തിവെച്ചെങ്കിലും രാജ്യം ഫലപ്രധമായി മഹാമാരിയെ പ്രതിരോധിച്ചതിനാൽ മൈതാനത്തിൽ വീണ്ടും പന്തുരുളാൻ വഴിയൊരുങ്ങുകയായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.