ഫ്രെഡിനും പരിക്ക്​; ബ്രസീൽ ആശങ്കയിൽ

ഞായറാഴ്​ച ഓസ്ട്രിയക്കെതിരായ സന്നാഹമത്സരത്തിന് മുന്നോടിയായി നടത്തിയ പരിശീലനത്തിനിടെ ബ്രസീലിയൻ സൂപ്പർ താരം ഫ്രെഡിന് പരിക്കേറ്റു. സഹതാരം കാസിമെറോയു‌ടെ ടാക്ലിങ്ങിനിടെയാണ് മധ്യനിരതാരമായ ഫ്രെഡി​​െൻറ കണങ്കാലിന്​ പരിക്കേറ്റത്. എന്നാൽ, പ്രാഥമിക പരിശോധനയിൽ പ്രശ്​നങ്ങളൊന്നും കണ്ടില്ലെന്നാണ് ബ്രസീൽ ടീം ഡോക്ടർ റോഡ്രി​ഗോ ലാസ്മാർ പറഞ്ഞത്.

ആവശ്യമെങ്കിൽ കൂടുതൽ പരിശോധനകൾക്ക് താരത്തെ വിധേയനാക്കുമെന്നും അദ്ദേഹം അറിയിച്ചു. ഫ്രഡും കൂടി പരിക്കേറ്റ്​ പുറത്താവുകയാണെങ്കിൽ ബ്രസീൽ ടീമിന്​ അത്​ കനത്ത ആഘാതമാണ്​ സൃഷ്​ടിക്കുക. യുക്രെയ്​ൻ ക്ലബ് ഷാക്തറി​​െൻറ താരമായിരുന്ന ഫ്രെഡ് ഇൗ ആഴ്​ചയാണ്​​ മാഞ്ചസ്​റ്റർ യുനൈറ്റഡിൽ ചേർന്നത്​.