സെപ്​റ്റംബർ വരെ ക​ളി വേണ്ടെന്ന്​ ഫ്രഞ്ച്​ സർക്കാർ; ലീഗ്​ വൺ ഉപേക്ഷിച്ചു

പാരിസ്​: സൂപ്പർ താരം നെയ്​മർ, കിലിയൻ എംബാപ്പെ, എഡിൻസൺ കവാനി, മൗറോ ഇക്കാർഡി എന്നീ സൂപ്പർ താരങ്ങൾ പന്തുതട്ടുന്ന ത്കാണാൻ ആരാധകർ അടുത്ത സീസൺ ആരംഭം വരെ കാത്തിരിക്കണം​. കോവിഡിൻെറ പശ്ചാത്തലത്തിൽ രാജ്യത്ത്​ ഫുട്​ബാൾ, റഗ്​ബി സീ സണുകൾ സെപ്​റ്റംബറോടെ മാത്രമേ പുനരാരംഭിക്കാനാകൂ എന്ന്​ പ്രധാനമന്ത്രി എഡ്വേഡ്​ ഫിലിപ്പേ ചൊവ്വാഴ്​ച പാർലമ​െ ൻറിൽ പ്രഖ്യാപിച്ചതോടെ​ ലീഗ്​ വൺ ഉപേക്ഷിച്ചതായാണ്​ റി​േപ്പാർട്ട്​.

27 കളിയില്‍ 68 പോയൻറ്​ നേടി 12 പോയൻറ്​ ലീഡുമായി ഒന്നാം സ്​ഥാനത്തുള്ള പി.എസ്​.ജി ജേതാക്കളായേക്കും​. എന്നാൽ ചാമ്പ്യൻമാരെ പ്രഖ്യാപിക്കുന്നതിലും ചാമ്പ്യൻസ്​ ലീഗ്​ ബെർത്ത്​ സംബന്ധിച്ചും അവ്യക്​തതയുണ്ട്​. 28 കളിയില്‍ 56 പോയൻറുള്ള മാഴ്സയാണ് രണ്ടാം സ്ഥാനത്ത്. യൂറോപ്പിലെ അഞ്ച് പ്രമുഖ ലീഗുകളില്‍ ഉപേക്ഷിക്കപ്പെടുന്ന ആദ്യത്തേതാണ് ലീഗ് വണ്‍.

നേരത്തെ ജൂലൈ അവസാനം വരെ അടച്ചിട്ട സ്​റ്റേഡിയത്തിൽ പോലും മത്സരങ്ങൾ നടത്താൻ അനുവദിക്കില്ലെന്ന്​ കായിക മന്ത്രാലയം ​അധികൃതർ വാർത്ത ഏജൻസിയായ എ.എഫ്​.പിയോട്​ വ്യക്​തമാക്കിയിരുന്നു. ​

ജൂണിൽ ലീഗ്​ വൺ മത്സരങ്ങൾ പുനരാരംഭിക്കാൻ ഫ്രഞ്ച്​ ഫുട്​ബാൾ ​െഫഡറേഷൻ പദ്ധതിയിട്ടിരിക്കേയാണ്​ സർക്കാറിൻെറ അപ്രതീക്ഷിത തീരുമാനം. മെയ്​ 11 മുതൽ കളിക്കാർ പരിശീലനം പുനരാരംഭിക്കാനിരിക്കുകയായിരുന്നു.

സർക്കാർ പ്രഖ്യാപനത്തെ തുടർന്ന്​ തീരുമാനം കൈകൊള്ളാൻ ​ലീഗ്​ അധികൃതർ​ ടെലികോൺഫറൻസിലൂടെ യോഗം ചേരുന്നുണ്ട്​. ലീഗ്​ കപ്പ്​, ഫ്രഞ്ച്​ കപ്പ്​ ഫൈനലുകൾ കളിക്കളങ്ങൾ ഉണരുന്ന മുറക്ക്​ പൂർത്തിയാക്കാനാകുമെന്നാണ്​ ഫെഡറേഷൻെറ പ്രതീക്ഷ.