ഇറ്റലി കോച്ച്​ ജിയാൻ വെൻഡൂറയെ പുറത്താക്കി

മിലാൻ: 60 വർഷങ്ങൾക്കുശേഷം ലോകകപ്പ്​ യോഗ്യത ലഭിക്കാതെ ഇറ്റലി പുറത്തായതോടെ കോച്ച്​ ജിയാൻ പീറോ വെൻഡൂറയുടെ സ്​ഥാനം തെറിച്ചു. റോമിൽ​ ചേർന്ന ഇറ്റാലിയൻ ഫുട്​ബാൾ ഫെഡറേഷ​​െൻറ യോഗത്തിലാണ്​ വെൻഡൂറയെ പുറത്താക്കാൻ തീരുമാനമായത്​. യൂറോപ്യൻ പ്ലേഒാഫ്​ മത്സരത്തിൽ 1-0ന്​ സ്വീഡനോട്​ തോറ്റാണ്​ മുൻ ചാമ്പ്യന്മാർ ലോകകപ്പ്​ കാണാതെ പുറത്തായത്​. വെൻഡൂറ രാജിവെക്കാൻ വിസമ്മതിച്ചതോടെ​ കോച്ചിനെ പുറത്താക്കിയതായി ഫെഡറേഷൻ അറിയിക്കുകയായിരുന്നു.

പുതിയ​ കോച്ചിനെ തിങ്കളാഴ്​ച പ്രഖ്യാപിക്കുമെന്നാണ്​ ഫെഡറേഷൻ അറിയിച്ചത്​. മുൻ ബയേൺമ്യൂണിക്​-റയൽ മഡ്രിഡ്​ കോച്ച്​ കാർലോ ആഞ്ചലോട്ടിയെ സ്​ഥാനത്തേക്ക്​ പരിഗണിക്കാൻ സാധ്യതയേറെയുണ്ടെന്ന്​ ഇറ്റാലിയൻ മാധ്യമങ്ങൾ റിപ്പോർട്ട്​ ചെയ്​തു. യുവൻറസ്​ കോച്ച്​ മാസിമില്യാനോ അലെഗ്രി, മുൻ ​ഇറ്റലി കോച്ചും നിലവിലെ ചെൽസി പരിശീലകനുമായ അ​േൻറാണിയോ കോ​​െൻറ, മുൻ ഇൻറർ മിലാൻ^മാഞ്ചസ്​റ്റർ സിറ്റി കോച്ച്​ റോബർ​േട്ടാ മാൻസീനി എന്നിവരും ഫെഡറേഷ​​െൻറ ലിസ്​റ്റിലുണ്ട്​. 2016ൽ അ​േൻറാണിയോ കോ​​െൻറയുടെ പകരക്കാരനായാണ്​ വെൻഡൂറ ഇറ്റലിയുടെ പരിശീലകനായി എത്തിയത്​.