റെക്കോർഡ്​ തുകക്ക്​ ഹാരി മഗ്വയർ മാഞ്ചസ്​റ്റർ യുണൈറ്റഡിലേക്ക്

ലണ്ടൻ: ലെസ്​റ്റർ സിറ്റി താരം ഹാരി മഗ്വയറിൻെറ ട്രാൻസഫറി​ന്​ ടീം മാനേജ്​മ​​െൻറ്​ അംഗീകാരം നൽകി. 85 മില്യൺ യൂറോക്ക്​ മാഞ്ചസ്​റ്റർ യുണൈറ്റഡാണ്​​ മഗ്വയറിനെ വാങ്ങുന്നത്​. പ്രതിരോധ താരത്തിൻെറ ഏറ്റവും ഉയർന്ന​ ട്രാൻസഫർ തുകയാണ്​ മഗ്വയറിന്​ ലഭിച്ചത്​​.

ഇതിന്​ മുമ്പ്​ വിർജിൽ വാൻ ഡിജിക്ക്​ ലിവർപൂളിലെത്തിയതായിരുന്നു ലോക ഫുട്​ബാളിലെ പ്രതിരോധനിര താരത്തിൻെറ ഉയർന്ന ട്രാൻസ്​ഫർ തുക. 75 മില്യൺ ഡോളറിനാണ്​ ഡിജിക്ക്​ അന്ന്​ ലിവർപൂളിലെത്തിയത്​.

ഈ സീസണിലെ മാഞ്ചസ്​റ്റിൻെറ മൂന്നാമത്തെ പ്രധാനപ്പെട്ട ട്രാൻസ്​ഫറാണ്​ ഹാരി മഗ്വയറി​​േൻറത്​. ക്രിസ്​റ്റൽ പാലസിൽ നിന്ന്​ വാൻ ബിസാക്കയേയും സ്വാൻസിസിറ്റിയിൽ നിന്ന്​ ഡാനിയൽ ജെയിംസിനേയും മാഞ്ചസ്​റ്റർ ടീമിലെത്തിച്ചിരുന്നു.

മഗ്വയർ എത്തുന്നതോടെ പ്രതിരോധ നിരയിലെ വിള്ളൽ അടക്കാനാവുമെന്നാണ്​ മാഞ്ചസ്​റ്റർ യുണൈറ്റഡിൻെറ പ്രതീക്ഷ. 2017ൽ ലെസ്​റ്റർസിറ്റിയിലെത്തിയ മഗ്വയർ ടീമിനായി മികച്ച പ്രകടനം നടത്തിയിരുന്നു.