വാർ സംവിധാനത്തിലൂടെ​ പെനാൽറ്റി: ചരിത്ര വിധി തുണച്ചത്​ ഫ്രാൻസിനെ   

ലോകകപ്പിന്​ മുമ്പ്​ ഏറെ ചർച്ച ചെയ്​ത ഒരു വാക്കായിരുന്നു ‘വാർ’ അഥവാ വീഡിയോ അസിസ്​റ്റൻഡ്​ റഫറി സംവിധാനം. വീഡിയോയുടെ സഹായത്തോടെ റഫറിമാർക്ക്​ തീരുമാനമെടുക്കാവുന്ന വാർ സംവിധാനം, 2018 ഫിഫ ലോകകപ്പിൽ ആദ്യമായി ഉപയോഗപ്പെടുത്തി. യൂറോപ്യൻ വമ്പന്മാരായ ഫ്രാൻസും ആസ്​ട്രേലിയയും തമ്മിലുള്ള ഗ്രൂപ്പ്​ സിയിലെ ആദ്യ മത്സരത്തിലാണ്​ വാർ ഉപയോഗിച്ച്​ പെനൽറ്റി വിധിച്ചത്​.

വാർ തുണച്ചതാക​െട്ട ​ഫ്രാൻസിനെയും. മത്സരത്തി​​െൻറ 53ാം മിനുറ്റിലായിരുന്നു സംഭവം. പോൾ പോഗ്ബ നീട്ടി നൽകിയ പന്ത്​ അതിവേഗം പിന്തുടർന്ന് ബോക്സിനുള്ളിലേക്ക് പ്രവേശിച്ച സൂപ്പർതാരം ആ​േൻറാണിയോ ഗ്രീസ്​മാനെ ആസ്ട്രേലിയയുടെ ജോഷ്​ റിഡ്സൺ ബോക്സിനുള്ളിൽ വീഴ്ത്തി. 

തുടക്കത്തിൽ പ്രധാന റഫറി ആന്ദ്രെസ്​ കുൻഹ കളി തുടരാൻ അനുവദിച്ചെങ്കിലും ഒരു സന്ദേശം ലഭിച്ചയുടനെ പെട്ടന്ന്​ കളി നിർത്തുകയായിരുന്നു. പിച്ച്​ സൈഡിലുള്ള മോണിറ്ററിൽ കളിയു​െട റിപ്ലേ പലപ്രാവിശ്യം കണ്ട കുൻഹ പെനൽറ്റി വിധിച്ച്​ ചരിത്രം സൃഷ്​ടിക്കുകയായിരുന്നു.

ഗ്രീസ്​മാൻ തന്നെ എടുത്ത പെനാൽറ്റി എളുപ്പം ആസ്​ട്രേലിയൻ ഗോളിപോസ്റ്റിൽ കയറുകയും ചെയ്​തു. ഇതോടെ ലോകകപ്പിൽ വാർ ഉപയോഗിച്ച്​ പെനാൽറ്റി ലഭിച്ച ആദ്യ ടീം ഫ്രാൻസായി. അതടിക്കാനുള്ള ഭാഗ്യം ലഭിച്ചത്​ ഗ്രീസ്​മാനും. ഇന്നലെ പോർച്ചുഗൽ-സ്​പെയിൻ മത്സരത്തിനിടെ വാർ സംവിധാനം ഉപ​യോഗിച്ചിരുന്നെങ്കിലും വാർ പൂർണ്ണമായും ഉപകാരപ്പെട്ടത്​ ഇന്നായിരുന്നു.

ഗോൾ, പെനാൽറ്റി, നേരിട്ട് ചുവപ്പ് കാർഡ് ലഭിക്കൽ എന്നീ അവസരങ്ങളിലാണ്​റഫറിമാർക്ക് വാർ സംവിധാനം ഉപയോഗിക്കാനാവുക. ഇതിനായി 13 വീഡിയോ റഫറിമാരെയാണ് റഷ്യയിൽ ഫിഫ നിയമിച്ചിട്ടുള്ളത്.