ക്രൊയേഷ്യയോട്​ തോൽവി; ​െഎസ്​ലൻഡ്​ ആദ്യ റൗണ്ടിൽ പുറത്ത്​

മോസ്​കോ: ക്രൊയേഷ്യക്കെതിരായ മൽസരത്തിലെ തോൽവിയോടെ ​െഎസ്​ലൻഡ്​ ലോകകപ്പിൽ നിന്ന്​ പുറത്ത്​. ഒന്നിനെതിരെ രണ്ട്​ ഗോളുകൾക്ക്​ ക്രൊയേഷ്യ ​െഎസ്​ലൻഡിനെ അട്ടിമറിച്ചു. 53, 90 മിനുട്ടിലാണ്​ ക്രോയേഷ്യ ഗോൾ നേടിയത്​. 76ാം മിനുട്ടിൽ പെനാൽട്ടിയിലുടെയായിരുന്നു ​െഎസ്​ലൻഡി​​െൻറ ഏക ഗോൾ.

 മൽസരത്തിലെ ആദ്യപകുതി  ഗോൾരഹിത സമനിലയിലായിരുന്നു.  തുടക്കം മുതൽ തന്നെ ക്രൊയേഷ്യയാണ്​ കളിയിൽ ആധിപത്യം പുലർത്തിയത്​. ടീമിൽ അടിമുടി മാറ്റം വരുത്തിയാണ് ക്രൊയേഷ്യ ഇന്ന്​ മൽസരത്തിനിറങ്ങിയത്​. കഴിഞ്ഞ മത്സരത്തിലുണ്ടായിരുന്ന ഒമ്പത് പേര്‍ ഇത്തവണ ആദ്യ ഇലവനില്ല. അര്‍ജന്റീനയ്‌ക്കെതിരെ കളിച്ച മോഡ്രിച്ചിനേയും പെരിസിച്ചിനേയും മാത്രമാണ് ടീമില്‍ നിലനിര്‍ത്തിയത്. 

ഈ മത്സരത്തിൻറെ ചങ്കിടിപ്പ്​ മുഴുവൻ അർജൻറീന ആരാധകർക്കായിരുന്നു. മൽസരത്തിൽ ക്രൊയേഷ്യ തോറ്റാൽ നെജീരിയക്കെതിരെ ജയിച്ചാലും പ്രീക്വാർട്ടർ കടമ്പ കടക്കുക അർജൻറീനക്ക്​ പ്രയാസമാകുമായിരുന്നു. എന്നാൽ അപകടമൊന്നും കൂടാ​തെ ​ക്രൊയേഷ്യ ജയിച്ച്​ കയറിയപ്പോൾ ഏറ്റവും കൂടുതൽ ആശ്വസിച്ചിരിക്കുക അർജൻറീനയുടെ ആരാധകരാവും.

അർജൻറീനയുൾ​​പ്പെടുന്ന ഗ്രൂപ്പിൽ മൂന്ന്​ കളികളും ജയിച്ച്​ ഒമ്പത്​ പോയ​േൻറാടെയാണ്​ ക്രൊയേഷ്യയുടെ പ്രീക്വാർട്ടർ പ്രവേശനം. ക്രൊയേഷ്യ തന്നെയാണ്​ ഗ്രൂപ്പ്​ ചാമ്പ്യൻമാരും.