അവസാന നിമിഷം അതിശയ ഗോൾ; പുണെയിൽ ബ്ലാസ്​​റ്റേഴ്​സ്​

നിർണായക ഘട്ടത്തിലെ കിടിലൻ ഗോളിലൂടെ മലയാളികളുടെ സ്വന്തം വിനീത്​ രക്ഷക്കെത്തിയപ്പോൾ പുണെയിൽ സെമി സാധ്യത തിരിച്ച്​പിടിച്ച്​ ബ്ലാസ്​റ്റേഴ്​സ്​. സ്​​കോർ ബ്ലാസ്​റ്റേഴ്​സ്​ 2-1 പുണെ. വിജയത്തോടെ 14 മൽസരങ്ങളിൽനിന്ന് 20 പോയിന്റുമായി ബ്ലാസ്റ്റേഴ്സ് വീണ്ടും അഞ്ചാം സ്ഥാനത്തെത്തി. 

ഫുട്​ബോളി​​​​​​​െൻറ മനോഹാരിത ആവോളം ആസ്വദിച്ചാണ്​ പുണെയിലെ ബലേവാദിയിൽ സ്വന്തം ടീമിന്​ കരുത്ത്​ പകരാൻ വന്ന മഞ്ഞപ്പട മടങ്ങുന്നത്​. അവസാന നിമിഷത്തിൽ പോലും അത്​ഭുദം നടക്കാൻ സാധ്യതയുള്ള കായിക ഇനമാണ്​ കാൽപന്തുകളി. ഒാരോ മിനിറ്റിലും ആക്രമണവും പ്രത്യാക്രമണവും പ്രതീക്ഷിക്കുന്ന ആരാധകർക്ക്​ ഇരിപ്പുറക്കാത്ത കാഴ്​ചയാണ്​ അത്​ നൽകുക. 

സമനിലയെന്ന വേതാളത്തെ പേറി നടക്കുന്ന സ്വന്തം ടീം നിർണായക മത്സരത്തി​​​​​​​െൻറ 90ാം മിനിറ്റിലും 1-1 എന്ന നിലയിലാകു​േമ്പാൾ മൈതാനിയിലും ടിവിയുടെ മുന്നിലും ഇരിക്കുന്ന ആരാധകർ നിരാശരാകും. അനുവദിച്ച ഇഞ്ചുറി സമയത്ത്​ ഇഷ്​ട താരം അതിമനോഹരമായ ഗോളടിച്ചാലോ..? ആ ഗോളിലൂടെ ടീം ജയിച്ചാലോ ഉള്ള അവസ്​ഥ ചിന്തിക്കാവുന്നതേയുള്ളൂ. ​മുമ്പും ടീമിന്​ വേണ്ടി മികച്ച പ്രകടനം പുറത്തെടുത്ത കൂത്തുപറമ്പി​​​​​​​െൻറ കാളക്കുറ്റൻ സി.കെ വിനീത്​ 93ാം മിനിറ്റിൽ വീണ്ടും ബ്ലാസ്​റ്റേഴ്​സി​​​​​​​െൻറ രക്ഷകനായി.

കറേജ് പെക്കൂസൻ നൽകിയ ക്രോസിലാണ് വിനീത്​ വിജയ ഗോൾ നേടിയത്. ജയിക്കുകയെന്ന വ്യാമോഹവുമായി ബ്ലാസ്​റ്റേഴ്​സി​​​​​​െൻറ പോസ്​റ്റിലേക്ക്​ ഒാടിയ പുനെ താരങ്ങളുടെ കയ്യിൽ നിന്നും, റാഞ്ചിയെടുത്ത്​ പെകുസൻ നൽകിയ പന്ത്​ ബോക്സിനു പുറത്ത് നിന്നും നെഞ്ചിലേക്ക്​ വാങ്ങിയ വിനീത് അവിടെനിന്ന്​ അതു പോസ്റ്റിന്റെ ഇടതുമൂലയിലേക്ക് തൊടുത്തു വിടുകയായിരുന്നു.

A goal worthy enough to win any game! Well done, @ckvineeth!
#LetsFootball #PUNKER pic.twitter.com/Y5KRs7oFLk

— Indian Super League (@IndSuperLeague) February 2, 2018

െഎ.എസ്​.എല്ലിലെ മറ്റൊരു ത്രില്ലിങ്​ മാച്ചിനാണ്​ ഇന്ന്​ കായിക ലോകം സാക്ഷിയായത്​. സെമിയിലെത്തുകയെന്ന പ്രതീക്ഷകളുടെ ഭാരം പേറിയിറങ്ങിയ ബ്ലാസ്​റ്റേഴ്​സിന്​ ഇന്ന്​ ജയിക്കുക എന്ന കടമ്പക്ക്​ അപ്പുറത്ത്​ മറ്റൊന്നും ഇല്ലായിരുന്നു. ഗോൾ രഹിതമായ ഒന്നാം പകുതിക്ക്​ ശേഷം സമീപ കാലത്ത്​ ടീമി​​​​​​​െൻറ കുന്തമുനയായി മാറിയ ജാക്കിചന്ദ്​ സിങ്​ കിടിലൻ ഗോൾ നേടിയപ്പോൾ ആർത്തുല്ലസിച്ച ആരാധകർക്ക്​ 78ാം മിനിറ്റിൽ എമിലിയാനോ അൽഫാരോയിലൂടെ പുനെ മറുപടി നൽകി.

റഫറിയുടെ തെറ്റായ തീരുമാനത്തിലൂടെയായിരുന്നു പുണെ നേടിയ ഏക ഗോൾ. ആ ഗോളിലൂടെ ജീവൻ പോയ ബ്ലാസ്​റ്റേഴ്​സിന്​ വേണ്ടി വിനീത്​ഗോളടിച്ചതോടെ മത്സരത്തിലും ​െഎ.എസ്​.എൽ നാലാം സീസണിലും കേരളത്തിന്​ പുതു ജീവൻ ലഭിച്ചു.

പന്തുമായി ചീറി പാഞ്ഞ എമിലിയാനോ അൽഫാരോയുടെ കയ്യിൽ നിന്നും ബോൾ റാഞ്ചിയെടുക്കാൻ ശ്രമിച്ച സുബാഷിഷ്​ റോയിയുടെ ശ്രമത്തിന്​ ബ്ലാസ്​റ്റേഴ്​സ്​ നൽകേണ്ടി വന്ന പിഴയായിരുന്നു പുണെയുടെ സമനില ഗോൾ. റഫറി പെനാൽട്ടി വിധിച്ചതിനെ പരമാവധി എതിർക്കാൻ ബ്ലാസ്​റ്റേഴ്​സ്​ ശ്രമിച്ചെങ്കിലും അൽഫാരോയുടെ ഷൂട്ടൗട്ടിലൂടെ പുണെക്ക്​ ജീവൻ വെക്കുകയായിരുന്നു. ജാക്കിചന്ദ്​ സിങി​​​​​​​​​​​​​െൻറ തകർപ്പൻ ഗോളിലൂടെ രണ്ടാം പകുതിയിൽ ബ്ലാസ്​റ്റേഴ്​സ്​ മുന്നിലെത്തിയിരുന്നുവെങ്കിലും ജയം അനിവാര്യമായ കളിയിയിൽ സമനില പിടിച്ച്​ പുനെ ഞെട്ടിച്ചു.

നിർണായക പോരാട്ടത്തി​​​​​​​​​​​​​​െൻറ ആദ്യ പകുതി ഗോൾരഹിതമായി അവസാനിച്ചിരുന്നു. മികച്ച മുന്നേറ്റവുമായി പ്രതീക്ഷ നൽകിയ ബ്ലാസ്​റ്റേഴ്​സിന്​ പുണെയുടെ പ്രതിരോധ നിര തകർത്ത്​ ഗോളടിക്കാനായില്ല. 

• ആദ്യ പകുതി അവസാനിക്കുന്നതിന്​ മുമ്പ്​ ഹ്യൂമിന്​ പരിക്ക്​ പറ്റി പുറത്ത്​ പോയത്​ ആരാധകരിൽ നിരാശയുണ്ടാക്കി. പുതുമുഖം ബാഡ്​വിൻസനാണ്​ പകരക്കാരനായി വന്നത്​.
• 45ാം മിനിറ്റിൽ പുനെയുടെ സൂപർ താരം മാർസലിഞ്ഞോക്കും മഞ്ഞ കാർഡ്​ കിട്ടി.
• തൊട്ടടുത്ത നിമിശം കേരളത്തി​​​​​​​​​​​​​​െൻറ പെസിച്ചിനും മഞ്ഞ കാർഡ്​ കാണേണ്ടി വന്നു.
• 39 ാം മിനിറ്റിൽ പുനെയുടെ റാഫേൽ ലോപസിന്​ മഞ്ഞ കാർഡ്​ കിട്ടി. സി.കെ വിനീതിനെയാണ്​ ലോപസ്​ ഫൗൾ ചെയ്​തത്​.
• ഡിഗോ കാർലോസിനും അൽഫാരോക്കും നിരവധി തവണ അവസരങ്ങൾ ലഭിച്ചെങ്കിലും ലാൽ റുവാത്താരയടങ്ങുന്ന ബ്ലാസ്​റ്റേഴ്​സ്​ പ്രതിരോധ നിര മികച്ച രീതിയിൽ കളിച്ച്​ രക്ഷപ്പെടുകയായിരുന്നു. 
• ബോൾ പെസഷൻ 60 ശതമാനത്തോളം കാത്ത്​ സൂക്ഷിച്ച്​ കളിച്ച ബ്ലാസ്​റ്റേഴ്​സിനെതിരെ തക്കം നോക്കി മിന്നലാക്രമണം നടത്തിയാണ്​ പുനെ ആദ്യ 20 മിനിറ്റുകളിൽ കളി മെനഞ്ഞത്​.
• ജയം അനിവാര്യമായ ബ്ലാസ്​റ്റേഴ്​സ്​ ആക്രമണത്തിന്​ പ്രാധാന്യം നൽകിയാണ്​ ആദ്യ 10 മിനിറ്റുകൾ കളിച്ചത്​. ഇരു ടീമുകളും ഗോളടിക്കാനുള്ള അവസരങ്ങൾ സൃഷ്​ടിച്ചു. 
• ഒമ്പതാം മിനിറ്റിൽ ലാൽ റുവാത്താര മഞ്ഞ കാർഡ്​ കണ്ട്​ പുറത്തായി.
• ആദ്യത്തെ അഞ്ച്​ മിനിറ്റിൽ വിനീതിന്​ പുനെയുടെ ഒരു പിഴവിൽ ഗോളടിക്കാൻ അവസരം ലഭിച്ചെങ്കിലും നഷ്​ടമായി. തൊട്ടടുത്ത നിമിശം ഡീഗോ കാർലോസ്​ കേരളത്തി​​​​​​​​​​​​​​െൻറ ബോക്​സ്​ ലക്ഷ്യമാക്കി തൊടുത്ത പന്ത്​ ഗോളി സുബാഷിശ്​ റോയി തടുത്തിട്ടു. 
   
• ആദ്യ ഇലവനിൽ നാല്​ വിദേശ താരങ്ങളെ മാത്രമാണ്​ ഉൾപ്പെടുത്തിയത്​. ഡൽഹിയുമായി കളിച്ച ടീമിൽ നിന്നും കാര്യമായ വ്യത്യാസമില്ലാതെയാണ്​ ഇന്നത്തെ ടീം. കരൺ സാഹ്നിക്ക്​ പകരക്കാരനായി ലാകിസ്​ പെസിച്​ പ്രതിരോധ നിരയിൽ വന്നതാണ്​ ഇന്നത്തെ ഏക മാറ്റം. പുതിയ താരം ബാഡ്​വിൻസനും ബെർബറ്റോവും ദീപേന്ദ്ര നേഗിയും പകരക്കാരുടെ ലിസ്​റ്റിലാണ്​ ഇടം പിടിച്ചത്​. ബ്ലാസ്​റ്റേഴ്​സിലേക്ക്​ വന്ന പഴയ പടക്കുതിര വിക്​ടർ പുൾഗ പകരക്കാരുടെ ലിസ്​റ്റിലും ഇടം പിടിച്ചില്ല. മധ്യ നിരയിൽ പെകുസൻ  ആണ്​ വിദേശ സാന്നിധ്യം.