ബ്ലാസ്​റ്റേഴ്​സ്​ പരിശീലകൻ റെനി മ്യൂലൻസ്​റ്റീൻ രാജിവെച്ചു

കൊ​ച്ചി: ഇ​ന്ത്യ​ൻ സൂ​പ്പ​ർ ലീ​ഗ് നാ​ലാം സീ​സ​ണി​ൽ ക​ലി​പ്പ​ട​ക്കി ക​പ്പ​ടി​ക്കാ​ൻ ക​ച്ച​കെ​ട്ടി​യെ​ത്തി​യ കേ​ര​ള ബ്ലാ​സ്​​റ്റേ​ഴ്സി​നെ പ​രി​ശീ​ല​ക​ൻ കൈ​വി​ട്ടു. ടൂ​ർ​ണ​മ​​െൻറി​ൽ താ​ളം​കി​ട്ടാ​തെ ടീം ​ഉ​ഴ​ലു​ന്ന​തി​നി​ടെ​യാ​ണ് റെ​നെ മ്യൂ​ലെ​ൻ​സ്​​റ്റീ​ൻ സ്ഥാ​ന​മൊ​ഴി​ഞ്ഞ​ത്. വ്യ​ക്തി​പ​ര​മാ​യ കാ​ര​ണ​ങ്ങ​ളെ​ത്തു​ട​ർ​ന്നാ​ണ് രാ​ജി​യെ​ന്നാ​ണ് വി​ശ​ദീ​ക​ര​ണം. മാ​നേ​ജ്മ​​െൻറു​മാ​യി ചേ​ർ​ന്നെ​ടു​ത്ത തീ​രു​മാ​ന​മെ​ന്നാ​ണ് അ​ധി​കൃ​ത​രും വ്യ​ക്ത​മാ​ക്കു​ന്ന​ത്. അ​തേ​സ​മ​യം, വ​ൻ പ​രാ​ജ​യ​വും ക​ളി​ക്കാ​രെ വി​ന്യ​സി​ക്കു​ന്ന​തും സം​ബ​ന്ധി​ച്ച് റെ​നെ​ക്കും മാ​നേ​ജ്മ​​െൻറി​നു​മി​ട​യി​ലു​ണ്ടാ​യ അ​ഭി​പ്രാ​യ​ഭി​ന്ന​ത രൂ​ക്ഷ​മാ​യ​താ​ണ് രാ​ജി​യി​ലെ​ത്തി​ച്ച​തെ​ന്നാ​ണ് സൂ​ച​ന.

മാ​ഞ്ച​സ്​​റ്റ​ർ യു​നൈ​റ്റ​ഡി​​െൻറ സ​ഹ​പ​രി​ശീ​ല​ക​നാ​യി​രു​ന്നു റെ​നെ. അ​ല​ക്സ് ഫെ​ർ​ഗൂ​സ​ൻ പ്ര​ധാ​ന പ​രി​ശീ​ല​ക​നാ​യി​രി​ക്കെ 12 വ​ർ​ഷം റെ​നെ കൂ​ടെ​യു​ണ്ടാ​യി​രു​ന്നു. തു​ട​ർ​ന്ന് ആ​ന്‍സി, ഫു​ള്‍ഹാം, മ​കാ​ബി ഹൈ​ഫ എ​ന്നീ ടീ​മു​ക​ളെ പ​രി​ശീ​ലി​പ്പി​ച്ച ശേ​ഷ​മാ​ണ് ബ്ലാ​സ്​​റ്റേ​ഴ്സി​ലെ​ത്തു​ന്ന​ത്. ക​ഴി​ഞ്ഞ ജൂ​ലൈ​യി​ൽ പ​രി​ശീ​ല​ക സ്ഥാ​ന​മേ​റ്റെ​ടു​ത്തു. ഇ​ന്ത്യ​ൻ താ​ര​ങ്ങ​ളെ​യും വി​ദേ​ശ​താ​ര​ങ്ങ​ളെ​യും ടീ​മി​ലേ​ക്ക് തി​ര​ഞ്ഞെ​ടു​ത്ത​തും സ്പെ​യി​നി​ലെ വി​ദേ​ശ പ​രി​ശീ​ല​നം ഉ​ൾ​പ്പെ​ടെ നി​യ​ന്ത്രി​ച്ച​തും തീ​രു​മാ​നി​ച്ച​തും റെ​നെ​യു​ടെ നി​ർ​ദേ​ശ​പ്ര​കാ​ര​മാ​യി​രു​ന്നു. മാ​ഞ്ച​സ്​​റ്റ​ർ ജ​ഴ്സി​യി​ൽ ക​ളി​ച്ചി​ട്ടു​ള്ള ബെ​ർ​ബ​റ്റോ​വ്, വെ​സ് ബ്രൗ​ൺ എ​ന്നി​വ​രെ ബ്ലാ​സ്​​റ്റേ​ഴ്സ് നി​ര​യി​ലെ​ത്തി​ച്ച​തും റെ​നെ​യാ​യി​രു​ന്നു. ടീം ​ഫോ​ർ​മേ​ഷ​നി​ലും പ​രി​ശീ​ല​ന​ത്തി​ലു​മെ​ല്ലാം മാ​ഞ്ച​സ്​​റ്റ​ർ ശൈ​ലി പി​ന്തു​ട​രാ​നാ​യി​രു​ന്നു ശ്ര​മം. ക്ലീ​ൻ ഷീ​റ്റി​നൊ​പ്പം താ​ര​ങ്ങ​ൾ​ക്ക് പ​രി​ക്കേ​ൽ​ക്കാ​തെ ടീ​മി​നെ ടൂ​ർ​ണ​മ​​െൻറ് ഫൈ​ന​ലി​ലെ​ത്തി​ക്കു​ക എ​ന്ന​താ​ണ് ന​യ​മെ​ന്ന് പ​ല​കു​റി ആ​വ​ർ​ത്തി​ച്ചെ​ങ്കി​ലും ക​ളി​ക്ക​ള​ത്തി​ൽ അ​തൊ​ന്നും ക​ണ്ടി​ല്ല. 

ന​ടു​വൊ​ടി​ഞ്ഞ മ​ധ്യ​നി​ര​യും മു​ന​യി​ല്ലാ​ത്ത ആ​ക്ര​മ​ണ​ങ്ങ​ൾ​ക്കു​മി​ടെ ഓ​രോ മ​ത്സ​ര​ത്തി​ലും പ​രീ​ക്ഷ​ണ​ങ്ങ​ൾ ന​ട​ത്തു​ക​യാ​യി​രു​ന്നു റെ​നെ. അ​തെ​ല്ലാം അ​മ്പേ പാ​ളി. ഗോ​ൾ പി​റ​ക്കാ​ത്ത വി​ര​സ​മാ​യ ക​ളി​യും വ​ൻ തോ​ൽ​വി​യു​മാ​യ​പ്പോ​ൾ വി​മ​ർ​ശ​ന​ങ്ങ​ൾ ഏ​റി​വ​ന്നു. ഇ​യാ​ന്‍ ഹ്യൂ​മി​നെ ആ​ദ്യ മ​ത്സ​ര​ത്തി​ല്‍ പ​ക​ര​ക്കാ​ര​നാ​ക്കി​യ​തോ​ടെ​യാ​ണ് റെ​നെ​യും മാ​നേ​ജ്‌​മ​​െൻറും ത​മ്മി​ല്‍ ആ​ദ്യം ഇ​ട​യു​ന്ന​ത്. ഗോ​വ​ക്കെ​തി​രെ 5-2ന് ​തോ​റ്റ​തോ​ടെ ഭി​ന്ന​ത രൂ​ക്ഷ​മാ​യി. ഹോം​ഗ്രൗ​ണ്ടി​ൽ ബം​ഗ​ളൂ​രു​വി​നെ​തി​രാ​യ തോ​ൽ​വി​യോ​ടെ ആ​രാ​ധ​ക​രും കൈ​വി​ട്ട​തോ​ടെ മാ​നേ​ജ്മ​​െൻറ് പൊ​ട്ടി​ത്തെ​റി​ക്കു​ക​യാ​യി​രു​ന്നു. സ​ഹി​കെ​ട്ട് റെ​നെ​യോ​ട് രാ​ജി എ​ഴു​തി​വാ​ങ്ങി​ക്കു​ക​യാ​യി​രു​ന്നു​വെ​ന്നാ​ണ് ല​ഭി​ക്കു​ന്ന സൂ​ച​ന. ബം​ഗ​ളൂ​രു എ​ഫ്.​സി​ക്കെ​തി​രെ 1-3നാ​ണ് ബ്ലാ​സ്​​റ്റേ​ഴ്സ് പ​രാ​ജ​യ​പ്പെ​ട്ട​ത്. ത​ലേ​ദി​വ​സം പ​രി​ശീ​ല​ന​ത്തി​നി​റ​ങ്ങി​യ ബെ​ർ​ബ​റ്റോ​വി​നും മി​ക​ച്ച ഫോ​മി​ൽ പ​ന്തു​ത​ട്ടി​യി​രു​ന്ന സി.​കെ. വി​നീ​തി​നും ഇ​ടം​കൊ​ടു​ക്കാ​തെ വ​ൻ​പ​രാ​ജ​യം ഇ​ര​ന്നു​വാ​ങ്ങു​ക​യാ​യി​രു​ന്നു. സീ​സ​ണി​ൽ ഏ​ഴ് മ​ത്സ​ര​ങ്ങ​ളി​ൽ ഒ​ന്നു മാ​ത്ര​മാ​ണ് ബ്ലാ​സ്​​റ്റേ​ഴ്സി​ന് ജ​യി​ക്കാ​നാ​യ​ത്. പ​ത്തം​ഗ പ​ട്ടി​ക​യി​ൽ എ​ട്ടാം സ്ഥാ​ന​ത്താ​ണ് ക​ഴി​ഞ്ഞ സീ​സ​ണി​ലെ റ​ണ്ണേ​ഴ്സ് അ​പ്പ് ടീ​മി​​െൻറ സ്ഥാ​നം. വ്യാ​ഴാ​ഴ്ച പു​ണെ സി​റ്റി​യെ നേ​രി​ടു​ന്ന ടീ​മി​നെ സ​ഹ​പ​രി​ശീ​ല​ക​ൻ താ​ങ്ബോ​യ് സി​ങ്തോ​യാ​യി​രി​ക്കും പ​രി​ശീ​ലി​പ്പി​ക്കു​ക. 

2015നു ​സ​മാ​ന​മാ​ണ് ബ്ലാ​സ്​​റ്റേ​ഴ്സി​​െൻറ ഇ​പ്പോ​ഴ​ത്തെ സ്ഥി​തി. ഇം​ഗ്ല​ണ്ട് അ​ണ്ട​ർ 20 ടീം ​കോ​ച്ചാ​യി​രു​ന്ന പീ​റ്റ​ർ ടെ​യ്്ല​റി​നെ​യാ​ണ് അ​ന്ന് ബ്ലാ​സ്​​റ്റേ​ഴ്സ് മാ​നേ​ജ്മ​​െൻറ് നി​യ​മി​ച്ച​ത്. ആ​ദ്യ ര​ണ്ട് മ​ത്സ​ര​ങ്ങ​ൾ വി​ജ​യി​ച്ച​ശേ​ഷം തു​ട​ർ​ച്ച​യാ​യ നാ​ല് തോ​ൽ​വി​ക​ളി​ൽ ബ്ലാ​സ്​​റ്റേ​ഴ്സ് കൂ​പ്പു​കു​ത്തി​യ​പ്പോ​ഴാ​ണ് പീ​റ്റ​ർ ടെ​യ്്ല​റു​ടെ സ്ഥാ​നം തെ​റി​ച്ച​ത്. അ​സി​സ്​​റ്റ​ൻ​റ് കോ​ച്ച് ട്രെ​വ​ൻ മോ​ർ​ഗ​നാ​യി​രു​ന്നു അ​ടു​ത്ത മ​ത്സ​ര​ത്തി​ൽ കോ​ച്ചി​​െൻറ താ​ൽ​ക്കാ​ലി​ക ചു​മ​ത​ല. തു​ട​ർ​ന്ന് ബ്ലാ​സ്​​റ്റേ​ഴ്സ് ഗ്രാ​സ്റൂ​ട്ട് പ​രി​ശീ​ല​ക​നാ​യി​രു​ന്ന ടെ​റി ഫെ​ലാ​നെ പ​രി​ശീ​ല​ക സ്ഥാ​ന​ത്തേ​ക്ക് അ​വ​രോ​ധി​ച്ചെ​ങ്കി​ലും ബ്ലാ​സ്​​റ്റേ​ഴ്സി​​െൻറ വി​ധി മാ​റ്റി​യെ​ഴു​താ​ൻ ക​ഴി​ഞ്ഞി​ല്ല. ര​ണ്ടാം സീ​സ​ണി​ൽ അ​വ​സാ​ന​സ്ഥാ​ന​ക്കാ​രാ​യി ടൂ​ർ​ണ​മ​​െൻറ് അ​വ​സാ​നി​പ്പി​ക്കാ​നാ​യി​രു​ന്നു അ​വ​രു​ടെ വി​ധി.