പ്രീതം കോട്ടലും എഡൂ ഗാർഷ്യയും എ.ടി.കെയിലേക്ക്​

ന്യൂഡൽഹി: ജനുവരി ട്രാൻസ്​ഫറിൽ വമ്പൻ നീക്കവുമായി എ.ടി.കെ. ​ ആദ്യ നാലിലെത്താൻ പോരടിച്ചുകൊണ്ടിരിക്കുന്ന ​െകാൽ ക്കത്തക്കാർ മുൻ ബംഗളൂരു എഫ്​.സി താരം എഡൂ ഗാർഷ്യയെയും ഡൽഹി ഡൈനാമോസി​​െൻറ ഇന്ത്യൻ ഡിഫൻഡർ പ്രീതം കോട്ടലിനെയും ക്ലബിലെത്തിച്ചു.

ഇരുവരെയും സ്വന്തമാക്കിയ വിവരം ക്ലബ്​ ഒൗദ്യോഗികമായി അറിയിച്ചു. നിലവിൽ ചൈനീസ്​ ലീഗിൽ കളിക്കുകയാണ്​ ഗാർഷ്യ. അന്താരാഷ്​ട്ര ഇടവേളക്കുശേഷം രണ്ടു പേരും എ.ടി.കെ ജഴ്​സിയിൽ പന്തുതട്ടും.

20 ലക്ഷം രൂപയാണ്​ കോട്ടലി​​െൻറ കൈമാറ്റത്തുക​. മോഹൻ ബഗാനിൽനിന്ന്​ 2017ലാണ്​ താരത്തെ ഡൽഹി സ്വന്തമാക്കുന്നത്​. 24 മത്സരങ്ങളിൽ ഡൽഹിക്കായി രണ്ടു ഗോളുകളും നേടിയിട്ടുണ്ട്​. നിലവിൽ കോട്ടൽ എ.എഫ്​.സി ഏഷ്യൻ കപ്പിൽ ഇന്ത്യൻ ടീമിലുണ്ട്​. 2016 സീസണിൽ കൊൽക്കത്തക്കായി ലോണിൽ കളിച്ചിരുന്നു​.