​​െഎ.എസ്​.എൽ: കളി നിയന്ത്രിക്കാന്‍ ഒളിമ്പിക്സ് ഫൈനല്‍ റഫറി അലിറിസ

കൊച്ചി: ഐ.എസ്.എല്‍ ഫൈനല്‍ നിയന്ത്രിക്കുന്നത് റിയോ ഒളിമ്പിക്സ് ഫുട്ബാളിലെ ബ്രസീല്‍-ജര്‍മനി ഫൈനല്‍ നിയന്ത്രിച്ച ഇറാനിയന്‍ റഫറി അലിറിസ ഫഗാനി. ഈ അവസരം നേടുന്ന ആദ്യ ഏഷ്യക്കാരനായ പകിട്ടുമായാണ് അലിറിസ ബ്ളാസ്റ്റേഴ്സ്-കൊല്‍ക്കത്ത മത്സരത്തിന് വിസില്‍ മുഴക്കുന്നത്.

2008ല്‍ ഫിഫ റഫറിയായ ഇദ്ദേഹം 2015ലെ ക്ളബ് ലോകകപ്പിലെ ബാഴ്സലോണ-റിവര്‍പ്ളേറ്റ് ഫൈനല്‍, എ.എഫ്.സി കപ്പ് ഫൈനല്‍, എ.എഫ്.സി ചാമ്പ്യന്‍സ് ലീഗ് ഫൈനല്‍ തുടങ്ങിയ പ്രമുഖ മത്സരങ്ങള്‍ നിയന്ത്രിച്ചിരുന്നു.