ഐ.എസ്.എല്‍: ഗോവ-മുംബൈ ഗോളില്ലാ സമനില

ഫട്ടോഡ (ഗോവ): വാശിയേറിയ പോരാട്ടത്തിനൊടുവില്‍ ഐ.എസ്.എല്ലില്‍ എഫ്.സി ഗോവ- മുംബൈ സിറ്റി എഫ്.സി മത്സരം ഗോള്‍രഹിത സമനിലയില്‍. ഇരു ടീമുകളും ഗോളവസരങ്ങള്‍ തുലച്ച മത്സരത്തില്‍ ഗോവന്‍ ഗോളി ലക്ഷ്മികാന്ത് കട്ടിമണിയുടെ പ്രകടനമാണ് മികച്ചുനിന്നത്. സുനില്‍ ഛേത്രിയുടെ ഗോളെന്നുറച്ച ഷോട്ടുകള്‍ കട്ടിമണി മനോഹരമായി തട്ടിയകറ്റി.

ഗോവയുടെ റോബിന്‍ സിങ്ങിന്‍െറ ഷോട്ട് ക്രോസ്ബാറിന് മുകളിലൂടെയും പറന്നു. യൂലിയോ സെസാര്‍ അവസാന നിമിഷം ഗോവക്കായി ഗോളിനടുത്തുമത്തെി. മികച്ച പ്രതിരോധം തീര്‍ത്തതാണ് ഇരു ടീമുകള്‍ക്കും പരസ്പരം ഗോളടിക്കാനാവാതിരുന്നത്. ഗോവനിരയില്‍ സസ്പെന്‍ഷന്‍ കഴിഞ്ഞ് റിച്ചാര്‍ലിസണും ക്യാപ്റ്റന്‍ ഗ്രിഗറി ആര്‍നോലിനും തിരിച്ചത്തെി.

11 മത്സരങ്ങളില്‍നിന്ന് 16 പോയന്‍റുമായി മുംബൈ കേരള ബ്ളാസ്റ്റേഴ്സിനെ പിന്തള്ളി മൂന്നാം സ്ഥാനത്തത്തെി. ഗോവ 11 പോയന്‍റുമായി ഏഴാം സ്ഥാനത്തേക്കുയര്‍ന്നു. പത്തു പോയന്‍റുള്ള നോര്‍ത്ത് ഈസ്റ്റാണ് അവസാന സ്ഥാനത്ത്.