അണ്ടർ 20 ലോകകപ്പ്​: അർജൻറീന പുറത്ത്​; കൊറിയ പ്രീക്വാർട്ടറിൽ

ഇഞ്ചിയോൺ: കൊറിയൻ മെസ്സിയുടെ ഗോളിൽ തോൽവി വഴങ്ങിയ അർജൻറീന അണ്ടർ 20 ഫിഫ ലോകകപ്പ്​ ഗ്രൂപ്​ റൗണ്ടിൽ പുറത്ത്​. തുടർച്ചയായ രണ്ടാം തോൽവി വഴങ്ങിയാണ്​ മടക്കടിക്കറ്റുറപ്പിച്ചത്​. രണ്ട്​ ജയവുമായി ആതിഥേയരായ ദക്ഷിണ കൊറിയ പ്രീക്വാർട്ടറിൽ കടന്നു. കൊറിയ 2-1നാണ്​ അർജൻറീനയെ വീഴ്​ത്തിയത്​. മറ്റൊരു മത്സരത്തിൽ ഇംഗ്ലണ്ട്​ 1-1ന്​ ഗ്വിനിയയോട്​ സമനില വഴങ്ങി. ഗ്രൂപ്​ ‘ബി’യിൽ നിന്നും വനാതുവിനെ വീഴ്​ത്തി (7-0) രണ്ടാം ജയവുമായി വെനിസ്വേലയും പ്രീക്വാർട്ടറിൽ കടന്നു. ജർമനി-മെക്​സികോ മത്സരം സമനിലയിൽ (0-0) പിരിഞ്ഞു.