ടോട്ടനം കോച്ചിൽ കണ്ണുവെച്ച്​ റയൽ മാഡ്രിഡ്​

​സിനദിൻ സിദാ​​െൻറ അപ്രതീക്ഷിത വിരമിക്കലിന്​ ശേഷം കോച്ചുമാരെ ചാക്കിട്ട്​ പിടിക്കാനുള്ള തത്രപ്പാടിലാണ്​ സ്പാനിഷ്​ ക്ലബ്​ റയൽ മാഡ്രിഡ്​. ഏറ്റവും ഒടുവിൽ ലഭിക്കുന്ന വിവരങ്ങൾ അനുസരിച്ച്​ ഇംഗ്ലീഷ്​ ക്ലബായ ടോട്ടനത്തി​​െൻറ കോച്ച്​ മൗറിസ്യോ പോച്ചറ്റിനോയെ ആണ്​ റയൽ നോട്ടമിട്ടിരിക്കുന്നത്​. ​പ്രീമിയർ ലീഗിൽ കാര്യമായ നേട്ടങ്ങളില്ലാതിരുന്ന ടോട്ടനത്തെ ആദ്യ മൂന്നിലെത്തിക്കുന്നതിൽ പോച്ചറ്റിനോ എന്ന തന്ത്രശാലിയായ കോച്ച്​ വഹിച്ച പങ്ക്​ ചെറുതായിരുന്നില്ല. 

പോച്ചറ്റിനോയുമായി റയൽ ഇതുമായി ബന്ധപ്പെട്ട് ഒൗദ്യോഗിക ചർച്ചകൾ നടത്തിയിട്ടില്ല. എ​ങ്കിലും അദ്ദേഹത്തെ ടീമി​​െൻറ അമരത്ത്​ എത്തിക്കാനുള്ള നീക്കങ്ങൾ അണിയറയിൽ സജീവമാണെന്നാണ്​ സൂചന. നിലവിൽ ​േടാട്ടനവുമായി മൂന്ന്​ വർഷം കൂടി കരാർ ബാക്കിയുള്ള പോച്ചറ്റിനോ രണ്ട്​ വർഷത്തേക്ക്​ കൂടി കരാർ പുതുക്കിയിരുന്നു.

അതേസമയം ആഴ്​സനലി​​െൻറ സൂപ്പർ കോച്ച്​ ആഴ്​സൻ വെങ്ങറെയും റയൽ മാനേജ്​മ​െൻറ്​ സമീപിച്ചതായി വാർത്തകളുണ്ടായിരുന്നു. റയലുമായി സംസാരിച്ച കാര്യം വെങ്ങറും സമ്മതിച്ചിരുന്നു. എന്നാൽ തൽകാലത്തേക്ക്​ കോച്ചിങ്ങിനില്ലെന്നായിരുന്നു വെങ്ങർ പറഞ്ഞത്​.

ഇൗ വർഷം ചെൽസിയിൽ നിന്ന്​ പടിയിറങ്ങാനിരിക്കുന്ന ആ​േൻറാണിയോ കോ​​െൻറയെയും സ്​പാനിഷ്​ ക്ലബ്​ റാഞ്ചാൻ സാധ്യതയുണ്ട്​. 

തുടർന്ന്​ ചർച്ചകളി​ൽ ഇടം നേടിയത്​ ജർമൻ കോച്ച്​ ജോക്കി ലോയായിരുന്നു. തനിക്ക് റയല്‍ പരിശീലക കുപ്പായത്തില്‍ താല്പര്യമില്ലെന്ന് ലോ തന്നെ വ്യക്തമാക്കിയതോടെ അത്​ അസ്ഥാനത്തായി. നിലവില്‍ ജര്‍മനിയുടെ പരിശീലക സ്ഥാനത്തെപ്പറ്റി മാത്രമേ ചിന്തിക്കുന്നുള്ളൂ എന്നായിരുന്നു ലോയുടെ പ്രതികരണം.

തുടച്ചയായി മൂന്ന്​ ചാമ്പ്യൻസ്​ ലീഗ്​ കിരീടങ്ങൾ റയലിനായി നേടിക്കൊടുത്താണ്​ സി​ദാ​​െൻറ പടിയിറക്കം. ലിവർപൂളിനെതിരെ 3-1 എന്ന വമ്പൻ വിജയം നേടിയായിരുന്നു റയലി​​െൻറ മൂന്നാം കിരീട നേട്ടം​. റയലിന്​ ഡ്രസ്സിങ്​ റൂമിൽ പുതിയ ശബ്​ദം ആവശ്യമുണ്ടെന്നും പടിയിറങ്ങുന്നതിന്​ പിന്നിൽ ടീമിലെ  താരങ്ങളല്ലെന്നും പറഞ്ഞായിരുന്നു സിദാൻ വിടപറഞ്ഞത്​​.