ചക്രക്കസേരയിൽ ജീവിതം തള്ളിനീക്കണമെന്ന്​ ഡോക്​ടർമാർ വിധിച്ചു; അവിശ്വസനീയമായി സീഷോസ്​ വീണ്ടും മൈതാനത്തിറങ്ങി

ബെർലിൻ: മരണവുമായി മുഖാമുഖം കണ്ട നിമിഷങ്ങൾ. 7 ദിവസം അബോധാവസ്ഥ. തകർന്ന സെർവിക്കൽ സ്പെയിൻ...! പത്തിലധികം ശസ്ത്രക്രിയകൾ.. അതിനു കാരണമായ "അപകടം " സംഭവിച്ചു കൃത്യം 101 ദിവസം കഴിഞ്ഞപ്പോൾ റഫായിൽ സീഷോസ്  ബൂട്ട് കെട്ടി വീണ്ടും  ത​​​​െൻറ ദൗത്യം ഏറ്റെടുത്തു... ! മിറാക്കിളെന്നോ അവിശ്വസനീയതയന്നോ ഇതിനെ വിശേഷിപ്പിക്കാം. പക്ഷേ അതൊരു യാഥാർഥ്യമായിരുന്നു.  ഇന്നലെ ആർ.ബി ലൈപ്സിഷിനു എതിരെ കളിക്കാനിറങ്ങിയ എഫ്​.സി കൊളോണി​​​​െൻറ സീഷോസി​​​​െൻറ കളിക്കളത്തിലേക്കുള്ള തിരിച്ചു വരവ്  വൈദ്യശാസ്ത്രത്തിനൊന്നാകെ വിസ്​മയമായിരുന്നു. 

101ദിവസം മുൻപ്  ഫെബ്രുവരി 22നു  അയാൾ സ്വന്തം ടീമി​​​​െൻറ പ്രതിരോധ നിര കാത്തപ്പോൾ അന്ന് എതിരാളികളായിരുന്ന ഹർത്താ ബെർലിൻ ടീമി​​​​െൻറ മാർക്കോ ഗുര്യുച്ചിചിനൊപ്പം പന്ത് തടുക്കാൻ ഉയർന്നു ചാടി ഹെഡ് ചെയ്തതായിരുന്നു സീഷോസ്​. പക്ഷേ പന്തിനു പകരം എതിർ കളിക്കാര​​​​െൻറ തലയുമായി കൂട്ടിയിടിച്ച്​ ബോധരഹിതനായി അയാൾ നിലത്തു വീണു. ഉടനെ ആശുപത്രിയിൽ എത്തിക്കുകയും അടിയന്തിര ശസ്ത്രക്രിയക്കു വിധേയമാക്കുകയും ചെയ്തു.  

രക്ഷപ്പെട്ടാൽ ഇനിയുള്ള കാലം ചക്രകസേരയിൽ ജീവിതം തള്ളിനീക്കണമെന്ന്​ ഡോക്​ടർമാർ വിധിച്ചു. ആ മനുഷ്യൻ ഇന്നലെ ബൂട്ട് കെട്ടി വീണ്ടും  അതേ പൊസിഷനിൽ കളത്തിലിറങ്ങിപ്പോൾ കോച്ചു ഗീസ്ടോൾ ഒന്നേ പറഞ്ഞുള്ളു ‘മിറാക്കിൾ’. അതുതന്നെയായിരുന്നു സംഭവിച്ചത്. അത്രക്കും ഗുരുതരവും സങ്കീർണ്ണവും ആയിരുന്നു അയാളുടെ പരിക്കുകൾ.. ! പക്ഷേ കളിക്കളത്തിൽ ഒന്നും സംഭവിച്ചിക്കാത്ത മട്ടിൽ 90 മിനിട്ടും അയാൾ കളിക്കളത്തിലുണ്ടായിരുന്നു..! കാൽപന്ത്​ ചരിത്രത്തിലെ അവിശ്വസനീയ തിരിച്ചുവരവുകളിലെന്നായി സീഷോസി​​​​െൻറ മടങ്ങി വരവ് നമ്മുടെ മുന്നിലുണ്ടാകും.