ചാമ്പ്യൻസ്​ ലീഗ്:​ സെവിയ്യ-മാഞ്ചസ്​റ്റർ യുനൈറ്റഡ്​ മത്സരം ഗോൾരഹിത സമനിലയിൽ

മഡ്രിഡ്​: ഡേവിഡ്​ ഡിഹയയെന്ന സ്​പാനിഷ്​ ഗോൾകീപ്പറെ കീഴടക്കാൻ സ്​പാനിഷ്​ ക്ലബ്​ സെവിയ്യ തൊടുത്തുവിട്ടത്​ 25 ഷോട്ടുകൾ. അതിൽ, എ​​ട്ട്​ ഷോട്ടുകൾ ഗോളെന്നുറപ്പിച്ച്​ പോസ്​റ്റിനുള്ളിലേക്ക്​ പറന്നെങ്കിലും മാഞ്ചസ്​റ്റർ യുനൈറ്റഡ്​ ഗോളി ഡിഹയക്കു മുന്നിൽ എല്ലാം നിഷ്​പ്രഭമായി.

യുവേഫ ചാമ്പ്യൻസ്​ ലീഗ്​ പ്രീക്വാർട്ടറിലെ ആദ്യപാദ േപാരാട്ടത്തിൽ സെവിയ്യയുടെ തട്ടകത്തിൽ യുനൈറ്റഡിന്​​ 0-0 സമനില. ഇനി മാർച്ച്​ 13ന്​ ഒാൾഡ്​ട്രാഫോഡിൽ നടക്കുന്ന രണ്ടാം പാദത്തിൽ സെവിയ്യയെ ഒരു ഗോളിനെങ്കിലും തോൽപിക്കാനായാൽ ഹെ​ാ​സെ മൗറീന്യോക്കും സംഘത്തിനും ക്വാർട്ടറിലേക്ക്​ കയറാം. 

ഇംഗ്ലീഷ്​ പ്രീമിയർ ലീഗിലെ വമ്പന്മാർ സൂപ്പർ പോരാട്ടത്തിൽ ചിത്രത്തി​​ലേ ഇല്ലായിരുന്നു. തുടക്കംമുതലേ ആക്രമിച്ചുകളിച്ച സെവിയ്യയോട്​ എതിരിടാൻ റൊമേലു ലുക്കാക്കു^യുവാൻ മാറ്റ-അലക്​സി സാഞ്ചസ്​ സംഖ്യത്തിന്​ തീരെ കരുത്തുണ്ടായില്ല. സെവിയ്യയുടെ പോസ്​റ്റിലേക്ക്​ യുനൈറ്റഡ്​ ആകെ ഉതിർത്തത്​ ആറു ഷോട്ടുകൾ മാത്രം. അതി​ൽ ഗോളിക്കുനേരെ ചെന്നത്​ ഒറ്റ തവണയും. 90 മിനിറ്റും നീണ്ട, ഗോളി ഡിഹയയുടെ രക്ഷാപ്രവർത്തനത്തിലാണ്​ സെവിയ്യയുടെ ഗോളടിക്കാമെന്ന പ്രതീക്ഷക​ളെല്ലാം ഇല്ലാതായത്​. 

മറ്റൊരു മത്സരത്തിൽ യുക്രെയ്​ൻ ക്ലബ്​ ഷാക്​തർ ഡൊണസ്​ക്​ 2-1ന്​ ഇറ്റാലിയൻ കരുത്തരായ എ.എസ്​. റോമയെ ​േതാൽപിച്ചു. സെൻഗ്വിസ്​ അൺഡറി​​െൻറ ​(41) ഗോളിന്​ പിന്നിൽ നിന്നശേഷം ഫെകുൻഡോ ഫെരിയാര (52), ​െഫ്രഡ് ​(71) എന്നിവരുടെ​ േഗാളിലാണ്​ ഷാക്​തർ ജയിച്ചത്​.