ഒന്നരമാസം നീണ്ട പോരാട്ടം വിജയം; പൗളോ ഡിബാലക്ക്​ കോവിഡ്​ മുക്തി

ടൂറിൻ: ഒന്നരമാസം നീണ്ട ​പോരാട്ടത്തിനൊടുവിൽ കോവിഡ്​ -19നെ യുവൻറസ്​ താരം പൗളോ ഡിബാല കീഴടക്കി. അർജൻറീന താരമായ ഡിബാല കോവിഡ്​ മുക്​തനായ സന്തോഷ വാർത്ത ഇറ്റാലിയൻ ചാമ്പ്യൻമാരായ യുവൻറസാണ്​ പ്രസ്​താവനയിലൂടെ ആദ്യം പങ്കുവെച്ചത്​. 

Update on @PauDybala_JR.

— JuventusFC (@juventusfcen) May 6, 2020

ഇരട്ട ടെസ്​റ്റ്​ നടത്തിയ താരത്തിൻെറ ഫലം നെഗറ്റീവാണെന്നും ഡിബാല ഇനി ഐസൊലേഷനിൽ തുടരേണ്ടതില്ലെന്നും ക്ലബ്​ വ്യക്​തമാക്കി. തൊട്ടുപിന്നാലെ സമൂഹമാധ്യമങ്ങളിലൂടെ ഡിബാലയും വാർത്ത സ്​ഥിരീകരിച്ചു. ജീവിതം ദുഷ്​കരമായ വേളയിൽ പിന്തുണച്ച എല്ലാവർക്കും നന്ദി അറിയിച്ച ഡിബാല മഹാമാരിയുടെ കെടുതി അനുഭവിക്കുന്നവർക്കൊപ്പമാണ്​ തൻെറ മനസെന്നും ട്വിറ്ററിൽ കുറിച്ചു. രോഗമുക്​തി നേടിയ സന്തോഷവാനായിരിക്കുന്ന ചിത്രം ഇൻസ്​റ്റഗ്രാമിലൂടെ പങ്കുവെക്കുകയും ചെയ്​തു. 

Many people talked in the past weeks ... but I can finally confirm that I am healed. Thank you once again for your support and my thoughts on all who are still suffering from it. Take care! 

— Paulo Dybala (@PauDybala_JR) May 6, 2020

 

 

 

 

View this post on Instagram

 

 

 

 

 

 

 

 

 

Mi imagen lo dice todo, finalmente curado de Covid-19 . My face says it all, i’m finaly cured from Covid-19 La mia faccia dice tutto: finalmente guarito dal Covid-19!

A post shared by Paulo Dybala (@paulodybala) on May 6, 2020 at 9:10am PDT

മാർച്ച്​ പകുതിയോടടുത്ത്​ രോഗം സ്​ഥിരീകരിച്ച ഡിബാലയുടെ പരിശോധനാ ഫലം ആഴ്​ചകൾക്ക്​ ശേഷവും പോസിറ്റീവായി തുടർന്നത്​ ആശങ്ക സൃ​ഷ്​ടിച്ചിരുന്നു. ഡിബാലക്കൊപ്പം രോഗം പിടിപ്പെട്ട മറ്റ്​ രണ്ട്​ യുവൻറസ്​ താരങ്ങളായ ഡാനിയേൽ റുഗാനിയും ബ്ലെയ്​സ്​ മറ്റ്യൂഡിയും നേരത്തെ തന്നെ രോഗമുക്​തി നേടിയിരുന്നു.

ഏപ്രിൽ തുടക്കത്തിൽ തന്നെ ഇരുവർക്കും രോഗം ഭേദമായി. റുഗാനിക്കും മറ്റ്യൂഡിക്കും രോഗലക്ഷണം കുറവായിരുന്നെങ്കിലും ഡിബാലക്ക്​ ​ശക്​തമായ രോഗപീഡകൾ അനുഭവിക്കേണ്ടി വന്നു. ശ്വാസമെടുക്കാൻ വരെ ബുദ്ധിമുട്ടിയതായും നടക്കാൻ ശ്രമിക്കു​േമ്പാൾ വേഗം തളർന്ന് ​പോയതായും താരം നേരത്തെ വെളിപ്പെടുത്തിയിരുന്നു. 

യുവൻറസ്​ അടക്കമുള്ള സീരി ‘എ’ ടീമുകൾ ഇൗ ആഴ്​ച വ്യക്​തിപരമായി പരിശീലനം പുനരാരംഭിക്കാനിരിക്കുകയാണ്​. മെയ്​ 18 മ​ുതലാണ്​ ടീമിൻെറ പരിശീലന സെഷൻ ആരംഭിക്കുക.