കോവിഡ്​ നിയന്ത്രണങ്ങൾ ലംഘിച്ചു; ഗാർഡൻ പാർട്ടിയിൽ പങ്കെടുത്ത കളിക്കാർക്കെതിരെ നടപടി 

മാ​ഡ്രിഡ്​: സ്പാനിഷ് സർക്കാരി​​െൻറ നിയന്ത്രണങ്ങൾ ലംഘിച്ചുകൊണ്ട് സെവിയ നഗരത്തിൽ എട്ട്​ പേർക്കൊപ്പം ഗാർഡൻ പാർട്ടി നടത്തിയ എവർ ബനേഗ, ലൂക്കാസ് ഓകാംപോസ്, ഫ്രാങ്കോ വാസ്‌ക്വസ്, ലൂക്ക് ഡെ യോങ് എന്നിവർ ചിത്രങ്ങൾ സാമൂഹിക മാധ്യമങ്ങളിലൂടെ പങ്കുവെച്ചപ്പോൾ ‘പണി’ പാർസലായി വരുമെന്ന്​ മനസിൽ പോലും കരുതിയിട്ടുണ്ടാകില്ല. അപകടം മനസിലാക്കി വിഡിയോ ഉടനെ ഡിലീറ്റ് ചെയ്തുവെങ്കിലും അപ്പോഴേക്കും അത് എത്തേണ്ടിടത്ത് എത്തിയിരുന്നു.  സർക്കാരി​​െൻറയും ക്ലബി​​െൻറ ശിക്ഷണ നടപടികൾ ഉടനെയെത്തി. 

സിവിയ നഗരം കോവിഡ് നിയന്ത്രണ നിയമം അനുസരിച്ച്​ ഗ്രേഡു ഒന്ന് കാറ്റഗറിയിൽ പെട്ടതാണ്. കർശന നിയന്ത്രണങ്ങൾ ഉള്ളിടത്താണ് സെവിയ്യ ഫുട്​ബാൾ ക്ലബിലെ പ്രഗൽഭ കളിക്കാർ പാർട്ടി നടത്തിയത്​. 

സംഭവത്തിന്​ ശേഷം കളിക്കാരെല്ലാം ഖേദപ്രകടനവും മാപ്പപേക്ഷയുമായി സോഷ്യൽ മീഡിയയിലൂടെ രംഗത്തെത്തി. അർജൻറീനയുടെ ദേശീയ കളിക്കാരൻ കൂടിയായ ബനേഗാ കുറിച്ചു: "അത് ഏറെ നാളുകൾക്കു ശേഷമുള്ള  ഒരു കുടുംബ സൗഹൃദ കൂടിച്ചേരലായിരുന്നു... അറിഞ്ഞുകൊണ്ടുള്ള ഒരു നിയമ ലംഘനവും ആയിരുന്നില്ല". ബനേഗയുടെ ഭാര്യ പങ്കുവെച്ച ചിത്രങ്ങളാണ്​ സാമൂഹിക മാധ്യമങ്ങളിൽ പ്രചരിച്ചത്​.  

ലീഗ് തുടങ്ങാൻ സ്പാനിഷ് പ്രധാന മന്ത്രി അനുമതി നൽകിയ ദിവസം തന്നെയാണ് കളിക്കാരുടെ നിയമ ലംഘനവും സംഭവിച്ചിരിക്കുന്നത്. സ്​പെയിനിൽ 2.8 ലക്ഷത്തോളം ആളുകൾക്ക്​ കോവിഡ്​ ബാധിക്കുകയും 28000ത്തിലധികം ആളുകൾ മരിക്കുകയും ചെയ്​തിട്ടുണ്ട്​.