നക്ഷത്രരാവിലെ താരമായി ഫ്രാൻസിസ്​ കോനെ

സൂറിക്​​: മറഡോണ, റൊണാൾഡോ, ക്രിസ്​റ്റ്യാനോ, മെസ്സി മുതൽ ലോകഫുട്​ബാളിലെ സൂപ്പർതാരങ്ങളും ഹോളിവുഡ്​ നായികാനായകന്മാരും അണിനിരന്ന ചടങ്ങിൽ സാന്നിധ്യമില്ലാത്തൊരു താരം ലോകത്തി​​െൻറ ​കൈയടി നേടിയ നക്ഷത്രരാവ്​. ഫിഫ ഫുട്​ബാളർ പുരസ്​കാര ചടങ്ങിലെ അപൂർവതയായി അയാൾ ലോകത്തി​​െൻറ സല്യൂട്ട്​ ഏറ്റുവാങ്ങി. ഫിഫ ഫെയർ​​​േപ്ല പുരസ്​കാരത്തിന്​ അർഹനായ ടോഗോയുടെ ഫ്രാൻസിസ്​ കോനെയായിരുന്നു ആ ഭാഗ്യതാരം.

കഴിഞ്ഞ സീസണിൽ ചെക്ക്​ റിപ്പബ്ലിക്​ ക്ലബായ ​െസ്ലാവാകോക്കു വേണ്ടി കളിക്കവെ നടത്തിയ മനുഷ്യത്വപരമായ ഇടപെടലാണ്​ ഫുട്​ബാളി​​െൻറ നന്മകൾക്ക്​ നൽകുന്ന അംഗീകാരത്തിന്​ കോനെയെ അർഹനാക്കിയത്​. ഫെബ്രുവരിയിൽ ചെക്ക്​ ലീഗ്​ മത്സരത്തിനിടെ ബൊഹമിയൻസ്​ ക്ലബ്​ ഗോളി സ്വന്തം ടീമംഗവുമായി കൂട്ടിയിടിയിൽ വീണ്​ മരണാസന്നനായപ്പോഴാണ്​ മാലാഖയായി കോനെ അവതരിച്ചത്​. ഗോളി മാർടിൻ ബെർകോവിച്​  ബോധരഹിതനായി നിലംപതിച്ചപ്പോൾ ഒാടിയെത്തിയ കോനെക്ക്​ അപകടസാധ്യത മനസ്സിലായി. ഉടൻ വായിൽ കൈയിട്ട്​ നാവ്​ വലിച്ചെടുത്ത്​ ഗോളിയുടെ ശ്വാസഗതി നേരെയാക്കി. ശേഷമാണ്​ മെഡിക്കൽ സംഘം ഗ്രൗണ്ടിലെത്തിയത്​.

ഇൗ ധീരതക്കുള്ള അംഗീകാരമാണ്​ കോനെക്ക്​ ഫെയർ​േപ്ല അവാർഡ്​. താരത്തി​​െൻറ അസാന്നിധ്യത്തിൽ ബന്ധുവാണ്​ അവാർഡ്​ ഏറ്റുവാങ്ങിയത്​. എട്ടു വർഷത്തെ കരിയറിനിടെ ഫുട്​ബാൾ ഗ്രൗണ്ടിൽ കോനെയുടെ നാലാമത്തെ ജീവൻരക്ഷാ ഇടപെടലായിരുന്നു ഇത്​.