ഇതാദ്യം ഇന്ത്യ

കാൽപ്പന്തുകളിയുടെ വിശ്വഭൂമികയിൽ ഇന്ത്യക്കിത്​ ചരിത്ര നിയോഗം. കുമ്മായവരകൾ അതിരിടുന്ന പുൽമൈതാനങ്ങളിൽ കളിയഴകി​​​െൻറ വർണവിസ്​മയങ്ങൾ തീർത്തവർക്കിടയിൽ ഇടമില്ലാതെപോയ ഒരു നാടി​​​െൻറ കൗമാരം ഇതാദ്യമായി പ്രതീക്ഷകളുടെ ലോക​േത്തക്ക്​ പന്തുതട്ടുന്നു. കൗമാരക്കാരുടെ വിശ്വമാമാങ്കത്തിന്​ അരങ്ങൊരുക്കുന്നതിലൂടെ നല്ല നാളെയിലേക്ക്​ ചുവടു​വെക്കാൻ നമുക്ക്​ സുവർണാവസരം. ഒക്​ടോബർ ആറിന്​  ഡൽഹിയിലെ ജവഹർലാൽ നെഹ്​റു സ്​റ്റേഡിയത്തിൽ കളിക്കാഴ്​ചകളുടെ ചെപ്പ്​ തുറക്കു​േമ്പാൾ പോരിടങ്ങളിൽ ഒരു സമനിലപോലും അതിവിദൂര സ്വപ്​നം കാണു​ന്ന നൂറുകോടി ജനതക്ക്​ ഒാർക്കാനും ഒാമനിക്കാനും നല്ല കളി വിരുന്നൊരുക്കാനുള്ള തയാറെടുപ്പിലാണ്​ ലൂയി നോർട്ടൻ ഡിമാറ്റോസി​​​െൻറ കുട്ടികൾ.

ലോക ഫുട്​ബാളിൽ മേൽവിലാസമില്ലാത്തവരാണ്​ ഇന്ത്യ. ഇവിടത്തെ ഒരു ജില്ലയുടെ വലുപ്പംപോലുമില്ലാത്ത രാജ്യങ്ങൾ ലോക ഫുട്​ബാളിൽ വെന്നിക്കൊടി നാട്ടുേമ്പാൾ ഏഷ്യൻ മേഖലയിൽപോലും സാന്നിധ്യമറിയിക്കാനാകാതെ ഉഴലുകയാണ്​ നാം. അമ്പതുകളിൽ ബഹിഷ്​കരണത്തി​​​െൻറയും വറുതിയുടെയും കാലത്ത്​  റിയോയിൽ പന്തുതട്ടാൻ ​കിട്ടിയ അവസരം കൈവിട്ടുകളഞ്ഞ ഇന്ത്യക്ക്​ ലോകകപ്പ്​ പോരി​​​െൻറ കനലിടങ്ങളിൽ പിന്നീടൊരിക്കൽപോലും എത്തി നോക്കാനായിട്ടില്ല. രാജ്യമോർക്കുന്ന പ്രതിഭകൾ ഒ​േട്ടറെ വളർന്നിട്ടും കളിക്കളത്തിൽ നാമെന്നും ഏറെ പിറകിലായിരുന്നു. കളിയുടെ സൗന്ദര്യശാസ്​ത്രം സ്വായത്തമാക്കുന്നതിൽ അമാന്തിച്ച ഇന്ത്യ വളർച്ചയുടെ ശരിയായ ദിശതേടുന്നതിൽ പരാജയപ്പെട്ടു.​ റാങ്കിങ്ങിൽ എന്നും നൂറിനു​ചുറ്റും വട്ടംകറങ്ങിയവർക്കു​ മുന്നിൽ ചെറിയ ചെറിയ സ്വപ്​നങ്ങൾ മാത്രമേ ഉണ്ടായിരുന്നുള്ളൂ. അപ്പോഴാണ്​ കളിയിൽ പിന്നാക്കംപോയവർക്ക്​ ഉൗർജം പകരാൻ ഒരു കൈത്താങ്ങായി  ഫിഫ കൗമാര ലോകകപ്പ്​ കൈനീട്ടിനൽകുന്നത്​. അപ്പോഴും ആ തലത്തിൽ അങ്കം കുറിക്കാൻ നമുക്കൊരു ടീംപോലുമില്ലെന്നത്​ ദയനീയതയുടെ യഥാർഥ ചിത്രം വരച്ചുകാണിക്കുന്നു. ലോകകപ്പ്​ വേദി കിട്ടിയപ്പോൾ സ്വരുക്കൂട്ടിയ ഒരു കൊച്ചു കൂട്ടം വി​ശ്വ ഫുട്​ബാളിലെ വമ്പന്മാരോട്​ കൊമ്പുകോർക്കുകയാണ്​. അഞ്ചു വർഷത്തെ തയാറെടുപ്പുകൾ അത്ര ചെറുതല്ല. രാജ്യത്തിനകത്തും പുറത്തും കളിയുടെ തന്ത്രവും മന്ത്രവും പഠിച്ചാണ്​ ഇൗ സംഘം ചരിത്രത്തിലേക്ക്​ പന്തുതട്ടുന്നത്​. ഇന്ത്യൻ ഫുട്​ബാളി​​​െൻറ ഉയിർത്തെഴുന്നേൽപിലേക്ക്​. 

കളിയെ നെഞ്ചോടുചേർക്കുന്ന നാടുകളിൽ ശൈശവം വിട്ടുമാറുംമു​േമ്പ കുട്ടികൾ മൈതാനത്തേക്ക്​​ എടുത്തെറിയപ്പെടു​​േമ്പാൾ ബാല്യത്തിലാണ്​ ഇവിടെ പന്തു​തട്ടി തുടങ്ങുന്നത്​. ആദ്യമായി ആതിഥ്യമരുളുന്ന ചാമ്പ്യൻഷിപ്പിനൊരുങ്ങു​േമ്പാൾ രാജ്യം നേരിട്ട കനത്ത വെല്ലുവിളിയും അതായിരുന്നു. എന്നാൽ, പതിവിൽ കവിഞ്ഞ നിശ്ചയദാർഢ്യവുമായി ​പോരാട്ടവീര്യം സിരകളിലൊളിപ്പിച്ച കൊച്ചുകൂട്ട​ത്തെ ആദ്യം നിക്കളോയ്​ ആദമും ശേഷം പോർചുഗീസുകാരനായ ഡിമറ്റോസും ഒരുക്കിയെടുത്തു. നിരവധി പരിശീലനമത്സരങ്ങളിലൊന്നിൽ ചിലിയെ സമനിലയിൽ തളക്കാനുമായി.

 ഗ്രൂപ്​ എയിൽ ശക്തരായ അമേരിക്കയും ഘാനയും കൊളംബിയയുമാണ്​ എതിരാളികൾ. ഒര​ു സമനിലയെങ്കിലും പിടിക്കാനായാൽ അത്​ തന്നെ പാടിപ്പുകഴ്​ത്തപ്പെടും. അമർജിത്​ സിങ്​ കിയാം നയിക്കുന്ന നീലപ്പടയുടെ ആദ്യ പോര്​ അമേരിക്കയോടാണ്​. ശേഷം, കൊളംബിയയും ആഫ്രിക്കൻ പവർഹൗസായ ഘാനയും. 1991, 95 വർഷങ്ങളിലെ ജേതാക്കളും നാലുതവണ റണ്ണർഅപ്പുമാണ്​ ഘാന. ഗ്രൂപ്പിൽനിന്ന്​ മികച്ച മൂന്നാം സ്​ഥാനക്കാരായി അടുത്ത ഘട്ടത്തിൽ കടക്കണമെങ്കിൽപോലും അത്യത്ഭുതങ്ങൾ സംഭവിക്കണം.