മാലിയെ വീഴ്​ത്തി പര​േഗ്വ; തുർക്കിയെ സമനിലയിൽ  തളച്ച്​ കിവികൾ

മുംബൈ:  കരുത്തരായ മാലിയെ 3-2ന്​ പിടിച്ചുകെട്ടി കൗമാര കാൽപന്തുകളിയുടെ 17ാം വിശ്വമേളയിൽ പര​േഗ്വക്ക്​ വിജയ തുടക്കം. നവിമുംബൈ ഡി.വൈ. പാട്ടീൽ സ്​റ്റേഡിയത്തിൽ നടന്ന ‘ബി’ ഗ്രൂപ്​​ പോരിലെ രണ്ടാം അങ്കത്തിൽ ആൻറണിയോ ഗലീനൊ, ലിയനാർദൊ സാൻചെസ്​റ്റ്​, അലൻ റോഡ്രിഗസ്​ എന്നിവരുടെ ഗോളിലൂടെ പരഗ്വേ ആഫ്രിക്കൻ വലകുലുക്കി. ഹാദ്​ജി ഡ്രാമെ, ലാസ്സന എന്നിവർ മാലിയുടെ ആ​ശ്വാസ ഗോളുകൾ നേടി.

ആഫ്രിക്കൻ വശ്യതയുമായി പോരിനിറങ്ങിയ 2015ലെ റണ്ണറപ്പായ മാലിയെ ലാറ്റിനമേരിക്കൻ താളത്തിൽ പന്തു തട്ടി പര​േഗ്വ പിടിമുറുക്കുകയായിരുന്നു. 12ാം മിനിറ്റിൽ പെനാൽറ്റി ബോക്​സിനു പുറത്തുനിന്ന്​ പന്ത്​ തൊടുത്ത്​ ആൻറണിയോ ഗലീനൊ കറുത്ത കുതിരകളുടെ വലകുലുക്കിയത്​. പിന്നെ കൃത്യമായ ഇടവേളയിലായി ഗോൾ പിറന്നു. 

ഗ്രൂപ്പിലെ ആദ്യ മത്സരത്തിൽ യൂറോപ്യൻ കരുത്തായ തുർക്കിയെ ന്യൂസിലൻഡ്​ 1^1ന്​ സമനിലയിൽ തളച്ചു. തുർക്കികൾക്കു​ വേണ്ടി അഹമദ്​ കുടുസുവും കിവികൾക്കായി​ ക്യാപ്​റ്റൻ മാക്​സ്​ മാട്ടയുമാണ്​ ഗോൾ വേട്ടക്കാർ.