കൊച്ചിയിൽ ഗതാഗത ക്രമീകരണം

കൊച്ചി: ലോകകപ്പ് മത്സരം നടക്കുന്ന ശനിയാഴ്ച, 10, 13, 18, 22 തീയതികളിൽ കൊച്ചി സിറ്റി പൊലീസ് ഗതാഗത ക്രമീകരണം ഏർപ്പെടുത്തി. ഇടപ്പള്ളി ബൈപാസ്​ മുതൽ ഹൈകോടതി ജങ്ഷൻവരെ റോഡിൽ ചെറിയ വാഹനങ്ങൾക്കും സർവിസ്​ ബസുകൾക്കുമൊഴികെ മറ്റെല്ലാ വാഹനങ്ങൾക്കും കർശന നിയന്ത്രണം ഏർപ്പെടുത്തി. ഉച്ചക്ക്​ രണ്ടുമുതൽ പാലാരിവട്ടം മുതൽ ഹൈകോടതി ജങ്ഷൻ വരെ റോഡിലേക്ക് പ്രവേശനമില്ല. പ്രധാന ഗേറ്റ് മുതൽ സ്​റ്റേഡിയം വരെ റോഡിലും ചുറ്റുമുള്ള റോഡിലും സ്​റ്റേഡിയത്തിന് പിൻവശം മുതൽ കാരണക്കോടം വരെ റോഡിലും വാഹനങ്ങൾ നിർത്തിയിടരുത്.

മത്സരം കാണാൻ ചെറിയ വാഹനങ്ങളിൽ വരുന്നവർ പാലാരിവട്ടം റൗണ്ട്-തമ്മനം റോഡ്, കാരണക്കോടം വഴിയും വൈറ്റില ഭാഗത്തുനിന്ന്​ എസ്​.എ റോഡ്, കടവന്ത്ര, കതൃക്കടവ്, കാരണക്കോടം വഴിയും സ്​റ്റേഡിയത്തി​​​െൻറ പിൻഭാഗത്ത് എത്തി കാരണക്കോടം സ​​​െൻറ് ജൂഡ് ചർച്ച് ഗ്രൗണ്ട്, ഐ.എം.എ ഗ്രൗണ്ട്, സ്​റ്റേഡിയത്തിന് പിറകിലെ വാട്ടർ അതോറിറ്റി ഗ്രൗണ്ട്, ഹെലിപാഡ് ഗ്രൗണ്ട് എന്നിവിടങ്ങളിലും വലിയ വാഹനങ്ങൾ ഇടപ്പള്ളി- വൈറ്റില ദേശീയപാതയുടെ ഇരുവശത്തുമുള്ള സർവിസ്​ റോഡുകളിലും സീപോർട്ട്-എയർപോർട്ട് റോഡ്, കണ്ടെയ്നർ ടെർമിനൽ റോഡ് എന്നിവിടങ്ങളിലും പാർക്ക് ചെയ്യണം. 
വൈപ്പിൻ, ഹൈകോടതി ഭാഗങ്ങളിൽനിന്ന്​ വരുന്ന ചെറിയ വാഹനങ്ങൾ സ്​റ്റേഡിയത്തിന് മുൻവശ​െത്ത പാർക്കിങ് ഗ്രൗണ്ടുകൾ, സ​​​െൻറ് ആൽബർട്​സ്​​ കോളജ് ഗ്രൗണ്ട് എന്നിവിടങ്ങളിൽ പാർക്ക് ചെയ്യണം. വൈപ്പിൻ, ചേരാനല്ലൂർ ഭാഗത്തുനിന്ന്​ വരുന്ന ഭാരവാഹനങ്ങൾ കളമശ്ശേരി പ്രീമിയർ ജങ്ഷൻ /ഇടപ്പള്ളി ബൈപാസ്​ ജങ്ഷൻ എന്നിവിടങ്ങളിൽ എത്തി ആളുകളെ ഇറക്കി കണ്ടെയ്നർ ടെർമിനൽ റോഡിൽ പാർക്ക് ചെയ്യണം.

തൃശൂർ, പാലക്കാട്, കോഴിക്കോട്, കണ്ണൂർ ഭാഗത്തുനിന്ന് വരുന്ന വാഹനങ്ങൾ ആലുവ മണപ്പുറം, ആലുവ മെേട്രാ സ്​റ്റേഷൻ, കളമശ്ശേരി പ്രീമിയർ ജങ്ഷൻ, ഇടപ്പള്ളി എന്നിവിടങ്ങളിൽ ആളുകളെ ഇറക്കി ആലുവ മണപ്പുറം, കണ്ടെയ്നർ ടെർമിനൽ റോഡ് എന്നിവിടങ്ങളിൽ ഗതാഗതതടസ്സമില്ലാതെ പാർക്ക് ചെയ്യണം. 

യാത്രക്കാർ മെേട്രാ/ബസ് സർവിസുകൾ പ്രയോജനപ്പെടുത്തി സ്​റ്റേഡിയത്തിലെത്തണം. ആലപ്പുഴ, കൊല്ലം, പത്തനംതിട്ട, തിരുവനന്തപുരം, കോട്ടയം ഭാഗത്തുനിന്ന്​ വരുന്ന വാഹനങ്ങൾ പാലാരിവട്ടം ജങ്ഷനിൽ ആളുകളെ ഇറക്കി പാലാരിവട്ടം-കുണ്ടന്നൂർ ദേശീയപാതയുടെ ഇരുവശത്തുമുള്ള സർവിസ്​ റോഡുകളിൽ പാർക്ക് ചെയ്യണം. ഇടുക്കി, കാക്കനാട്, മൂവാറ്റുപുഴ ഭാഗത്തുനിന്ന്​ വരുന്ന വാഹനങ്ങൾ പാലാരിവട്ടം ബൈപാസ്​ ജങ്ഷനിൽ ആളുകളെ ഇറക്കി സർവിസ്​ റോഡുകളിൽ പാർക്ക് ചെയ്യണം. വൈകീട്ട്​ 3.30നുശേഷം വൈറ്റില, തമ്മനം ഭാഗത്തുനിന്ന് വരുന്ന വാഹനങ്ങൾ തമ്മനം ജങ്ഷനിൽനിന്ന്​ നേരെ സംസ്​കാര ജങ്ഷനിൽ എത്തി പൈപ്​ലൈൻ റോഡിലൂടെ സ്​റ്റേഡിയത്തിന് സമീപത്തെ പാർക്കിങ് ഗ്രൗണ്ടുകളിൽ പ്രവേശിക്കണം.