അണ്ടർ 17 ലോകകപ്പ്​: ബ്രസീലിനും സ്​പെയിനിനും ജയം; ജർമനിയെ അട്ടിമറിച്ച്​ ഇറാൻ

കൊച്ചി: അണ്ടർ 17 ലോകകപ്പ്​ ഗ്രൂപ്​ ‘ഡി’യിൽ കരുത്തരായ സ്​പെയിനിനും ബ്രസീലിനും ജയം. ​കലൂർ ജവഹർലാൽ നെഹ്​റു സ്​റ്റേഡിയത്തിൽ ചൊവ്വാഴ്​ച വൈകീട്ട്​ നടന്ന പോരാട്ടത്തിൽ സ്​പെയിൻ 4-0ത്തിന്​ നൈജറിനെയും തൊട്ടുപിന്നാലെ ബ്രസീൽ 2-0ത്തിന്​ ഉത്തര കൊറിയയെയും വീഴ്​ത്തി. തുടർച്ചയായ രണ്ടു​ ജയങ്ങളുമായി ​മഞ്ഞപ്പട പ്രീക്വാർട്ടർ ബർത്തുറപ്പിച്ചു.

ആദ്യ കളിയിൽ ബ്രസീലിനോട്​ കീഴടങ്ങിയ സ്​പെയിൻ നായകൻ ആബേൽ റൂയിസി​​​​െൻറ ഇരട്ട ഗോൾ മികവിൽ ആഫ്രിക്കൻ കരുത്തുമായെത്തിയ നൈജറിനെ വീഴ്​ത്തിയതോടെ നോക്കൗട്ട്​ പ്രതീക്ഷകൾക്ക്​ ഉൗർജം നൽകി. ഗോവയിൽ നടന്ന ഗ്രൂപ്​ ‘സി’ പോരാട്ടത്തിൽ ഏഷ്യൻ സംഘമായ ഇറാൻ യൂറോപ്യൻ വമ്പന്മാരായ ജർമനിയെ അട്ടിമറിച്ചു. താരപ്പടയുമായിറങ്ങിയ ജർമനിയെ 4-0ത്തിനാണ്​ ഇറാൻ കെട്ടുകെട്ടിച്ചത്​.