ലിവർപൂളിൽ മുങ്ങി സിറ്റി, റോമ തകർത്ത്​ ബാഴ്​സ

ലണ്ടൻ: ആൻഫീൽഡിൽ ചാമ്പ്യൻസ്​ ലീഗ്​ ക്വാർട്ടർ ഫൈനൽ ആദ്യ പാദ പോരാട്ടത്തിനെത്തിയ ‘പെപ്​ ആർമിക്ക്​’ നാണംകെട്ട തോൽവി. ലോകം ഉറ്റുനോക്കിയ ‘ബാറ്റ്​ൽ ഒാഫ്​ ബ്രിട്ടനി’ൽ ലിവർപൂൾ 3-0ത്തിന് സിറ്റിയെ തോൽപിച്ചു. 31 മിനിറ്റിനിടെ നേടിയ മൂന്നു ​ഗോളിലാണ്​ ഗ്വാർഡിയോളയുടെ കണക്കുകൂട്ടൽ പിഴച്ചത്​. മറ്റൊരു മത്സരത്തിൽ സ്​പാനിഷ്​ രാജാക്കന്മാരായ ബാഴ്​സലോണ ഇറ്റാലിയൻ ടീം എ.എസ്​ റോമയെ 4-1ന്​ തകർത്തു. ഇൗമാസം 11നാണ്​ രണ്ടാം പാദ മത്സരങ്ങൾ.

ആൻഫീൽഡിൽ​ ക്ലോപ്​ മാജിക്​ 
ഇംഗ്ലീഷ്​ പ്രീമിയർ ലീഗിൽ തോൽവിയറിയാതെ റെക്കോഡ്​ മുന്നേറ്റവുമായി സിറ്റി കുതിക്കുന്നതിനിടയിൽ കോച്ച്​ ഗ്വാർഡിയോളയോട്​ മാധ്യമപ്രവർത്തകർ ഒരു ചോദ്യം ചോദിച്ചു. ‘‘തകർപ്പൻ ഫോമിലുള്ള ഇൗ സംഘത്തെ തോൽപിക്കാൻ കഴിവുള്ള ടീം ഇംഗ്ലണ്ടിലുണ്ടോ?’’ അൽപം​ ആലോചിച്ച്​ ഗ്വാർഡിയോള പറഞ്ഞു: ‘‘സിറ്റിയുടെ മൂ​ർച്ചയേറിയ ആക്രമണത്തിന്​ തടയിടാൻ ഇംഗ്ലണ്ടിൽ ഒരു ക്ലബുണ്ടെങ്കിൽ അത്​ ലിവർപൂളാണ്​.’’ പറഞ്ഞത്​ തെറ്റിയില്ല. ആൻഫീൽഡിലെത്തിയ സിറ്റിയെ ത്രില്ലർ പോരിൽ 4-3ന്​ ചെമ്പട തകർത്തു. ഇടവേളക്കുശേഷം ഇതേ മൈതാനത്ത്​ വീണ്ടും ഇരുവരും യൂറോപ്യൻ പോരാട്ടത്തിൽ മുഖാമുഖമെത്തിയപ്പോൾ ഫലത്തിൽ മാറ്റമൊന്നും സംഭവിച്ചില്ല. സിറ്റിയുടെ തോൽവി കുറച്ചുകൂടെ കനത്തതായി എന്നുമാത്രം. 

അപാര ഫോമിലുള്ള മുഹമ്മദ്​ സലാഹാണ്​​ ​12ാം മിനിറ്റിൽ ലിവർപൂളി​​​െൻറ ആദ്യ ഗോൾ നേടിയത്​. താൻ തന്നെ തുടക്കമിട്ട നീക്കം റോബർ​േട്ടാ ഫിർമീന്യോ വഴി എതിർ ഡിഫൻഡറുടെ കാലിൽതട്ടി തിരിച്ചുകിട്ടിയപ്പോൾ ഇൗജിപ്​ത്​ താരത്തിന്​ പിഴച്ചില്ല . 20ാം മിനിറ്റിൽ ഒാക്​സ്​ലെയ്​ഡ്​ ചേ​െമ്പർലെയ്​ൻ നേടിയ രണ്ടാം ഗോൾ കണ്ട​േമ്പാൾ സിറ്റി ആരാധകർപോലും അമ്പരന്നു. ബോക്​സിനു വാരകൾക്കകലെ നിന്ന്​ കാലിലേക്കെത്തിയ പന്ത്​ ഇംഗ്ലീഷ്​ താരം ഞൊടിയിടയിൽ പോസ്​റ്റിലേക്ക്​ നിറയൊഴിച്ച​പ്പോൾ സിറ്റി ഗോളി എമേഴ്​സണ്​ ഒന്നും ചെയ്യാനായില്ല. സിറ്റി ഒന്നടങ്കം തകർന്ന നിമിഷം. ഒടുവിൽ സലാഹി​​​െൻറ ക്രോസിൽ സാദിയോ മനെ ഹെഡറിലൂടെ (31) ഗോൾ നേടിയതോടെ സന്ദർശകർ തകർന്നു. ഇത്തിഹാദ്​ സ്​റ്റേഡിയത്തിലെ തിരിച്ചുവരവ്​ മാത്രമാണ്​ ഇനി ഗ്വാർഡിയോളയുടെ സ്വപ്​നം. പ്രീമിയർ ലീഗിൽ ലിവർപൂൾ സിറ്റിയുടെ തട്ടകത്തിലെത്തിയപ്പോൾ 5-0ത്തിന്​ തകർത്തുവിട്ടതിലാണ്​ ആരാധകർ പ്രതീക്ഷയർപ്പിക്കുന്നത്​. 

നൂകാംപിൽ അനായാസം ബാഴ്​സ
സ്വന്തം മൈതാനമായ നൂകാംപിൽ ബാഴ്​സക്ക്​ എ.എസ്​ റോമ എതിരാളികളേ ആയിരുന്നില്ല. പ​ന്തടക്കത്തിൽ പതിവുപോലെ വമ്പുകാട്ടിയ കറ്റാലന്മാർ 4-1ന്​ റോമയെ തകർത്ത്​ ഏറക്കുറെ സെമിയുറപ്പിച്ചു. ലയണൽ മെസ്സിയുടെ നേതൃത്വത്തിലുള്ള മുന്നേറ്റത്തെ തളക്കാൻ നന്നായി പാടു​െപട്ട റോമക്ക്​ ജയിക്കാനുള്ള ശേഷി തീരെയില്ലായിരുന്നു. ബാഴ്​സയുടെ ആദ്യ രണ്ടുഗോളുകൾ (38, 55) സെൽഫ്​ ഗോളി​​​െൻറ പട്ടികയിൽ പെടുമെങ്കിലും ആദ്യത്തേതിന്​ മെസ്സിക്കും ആ​ന്ദ്രെ ഇനിയെസ്​റ്റക്കും രണ്ടാം ഗോളിന്​ ഇവാൻ റാകിടിച്ചിനും മാർക്ക്​ നൽകണം.​ മറ്റു ഗോളുകൾ ​െജറാഡ്​ പിക്വെയും (59) ലൂയിസ്​ സുവാരസും (87) നേടി. എഡിൻ സെക്കോയാണ്​ (80) റോമയുടെ ആശ്വാസ ഗോളിനുടമ.