യുവേഫ യൂറോപ്പ ലീഗ്​: ആഴ്​സനലിനും അത്​ലറ്റികോക്കും ജയം

സ്​റ്റോക്​​ഹോം: മരംകോച്ചുന്ന തണുപ്പിനെ വെട്ടിമാറ്റി ഗണ്ണേഴ്​സ്​ താരങ്ങൾ കളം നിറഞ്ഞു കളിച്ചപ്പോൾ, യുവേഫ യൂറോപ്പ ലീഗി​​െൻറ അവസാന 32ാം റൗണ്ടിൽ ആദ്യ പാദത്തിൽ ആഴ്​സനലിന്​ ജയം. സ്വീഡിഷ്​ ക്ലബ്​ ഒാസ്​റ്റർസ​ൺസിനെ അവരുടെ തട്ടകത്തിൽ 3-0നാണ്​ ഗണ്ണേഴ്​സ്​ പട തോൽപിച്ചത്​.

13ാം മിനിറ്റിൽ തന്നെ ഗോൾ​ വേട്ടക്ക്​ തുടക്കമിട്ട്​ ആഴ്​സനൽ കളി സ്വന്തം വരുതിയിലാക്കി. നാച്ചോ മോൺറിയലാണ്​ വലകുലുക്കി തുടക്കം കുറിച്ചത്​. 24ാം മിനിറ്റിൽ എതിർ പ്രതിരോധത്തി​​െൻറ വൻ പിഴവിൽ സെൽഫ്​ ഗോളുമായി ഇംഗ്ലീഷ്​ പട വീണ്ടും മുന്നിലെത്തി. രണ്ടാം പകുതിയുടെ ആദ്യത്തിലായിരുന്നു മൂന്നാം ഗോൾ. മാഞ്ചസ്​റ്റർ യുനൈറ്റഡിൽ നിന്നെത്തിയ ഹ​െൻറിക്​ മിഖത്ര്യാ​ൻ നൽകിയ പാസിൽ നിന്ന്​ മെസൂത്​ ഒാസിലാണ്​ സ്​കോർ ചെയ്​തത്​. 

ചാമ്പ്യൻസ്​ ലീഗിൽ നിന്ന്​ ആദ്യ റൗണ്ടിൽ പുറത്തായി യൂറോപ്പ ലീഗിലെത്തിയ അത്​ലറ്റികോ മഡ്രിഡും ക്വാർട്ടറിലേക്കുള്ള പാതി ദൂരം പിന്നിട്ടു. ഡെൻമാർക്ക്​ ക്ലബ്​ എഫ്​.സി കൊബൻഹാവനെ 4-1നാണ്​ അത്​ലറ്റികോ തകർത്തത്​. സോൾ നീഗസ്​(21), കെവിൻ ഗെമൈറോ(37), അ​േൻറായിൻ ഗ്രീസ്​മാൻ(71), വി​റ്റോളോ(77) എന്നിവരാണ്​ സ്​കോറർമാർ. മറ്റു മത്സരങ്ങളിൽ നാപോളിയെ ആർ.ബി ലീപ്​സിങ്​ 3-1ന്​ തോൽപിച്ചപ്പോൾ, ബൊറൂസ്യ ഡോർട്​മുണ്ട്​ 3^2ന്​ അറ്റ്​ലാൻഡയെ തോൽപിച്ചു. 22നാണ്​ രണ്ടാം പാദ മത്സരങ്ങൾ.