എഫ്​.എ കപ്പ്​: യുനൈറ്റഡ്​ പുറത്ത്​; സിറ്റി സെമിയിൽ

ലണ്ടൻ: വോൾവർഹാംപ്​റ്റണിനോട്​ തോറ്റ്​ മാഞ്ചസ്​റ്റർ യുനൈറ്റഡ്​ എഫ്​.എ കപ്പ്​ സെമി കാണാതെ പുറത്ത്​. അവസാന നാ ലിൽ സുരക്ഷിത സ്​ഥാനം ലക്ഷ്യമിട്ടിറങ്ങിയ സോൾഷെയറി​​െൻറ സംഘത്തെ വോൾഫ്​സ്​ 2-1ന്​ തോൽപിച്ചു. നിരവധി താരങ്ങൾ പര ിക്കി​​െൻറ പിടിയിലായ മാഞ്ചസ്​റ്റർ യുനൈറ്റഡി​ന്​ എതിർസംഘത്തിനെതിരെ തിരിച്ചുവരാനായില്ല. അതേസമയം, മാഞ്ചസ്​റ്റ ർ സിറ്റി ത്രില്ലർ ജയ​ത്തോടെ സെമിയിൽ പ്രവേശിച്ചു. സ്വാൻസീ സിറ്റിക്കെതിരെ രണ്ടു ഗോളിന്​ പിന്നിട്ടുനിന്നശേഷം 3-2ന്​ തിരിച്ചടിച്ചാണ്​ സെമി പ്രവേശനം.

ആഴ്​സനലിനോട്​ പ്രീമിയർ ലീഗിൽ തോറ്റതി​​െൻറ ക്ഷീണം മാറുന്നതിനു മുമ്പാണ്​ യുനൈറ്റഡിന്​ തുടർച്ചയായ രണ്ടാം തോവി​. ആദ്യ പകുതി ഇരു ടീമുകളും മികച്ച മുന്നേറ്റവുമായി കളിച്ചെങ്കിലും ഒരിടത്തും വല കുലുങ്ങിയില്ല. പക്ഷേ, രണ്ടാം പകുതി കളി മാറി. ആറു മിനിറ്റ്​ വ്യത്യാസത്തിലാണ്​ ​വോൾവ്​​സ്​ രണ്ടുതവണ യുനൈറ്റഡി​​െൻറ വല കുലുക്കുന്നത്​. വോൾഫ്​സി​​െൻറ മെക്​സിക്കൻ-പോർചുഗീസ്​ സ്​ട്രൈക്കർമാരായ റോൾ ജിമിനസ് ​(70), ഡീഗോ ജോട്ട (76) എന്നിവർ​ സെർജിയോ റൊമീറോയെ കാഴ്​ചക്കാരനാക്കി നിറയൊഴിച്ചു​. ഇഞ്ചുറി സമയത്ത്​ മാർകസ്​ റാഷ്​ഫോഡ് ​(95) ഒരു ഗോൾ തിരിച്ചടിച്ചെങ്കിലും അപ്പോഴേക്കും വൈകിയിരുന്നു. 1998നുശേഷം ആദ്യമായാണ്​ വോൾവ്​​സ്​ എഫ്​.എ കപ്പ്​ സെമിയിൽ പ്രവേശിക്കുന്നത്​.

സ്വാൻസീക്കെതിരെ അത്ഭുതകരമായിരുന്നു സിറ്റിയുടെ തിരിച്ചുവരവ്​. സിറ്റിയെ ഞെട്ടിച്ച്​ ആദ്യ പകുതിയിൽ രണ്ടു ഗോളുകൾ സ്വാൻസീ നേടി. മാറ്റ്​ ഗ്രിമസ്​ പെനാൽറ്റിയിലും (20) പിന്നാലെ ബ്രെസ​െൻറ്​ സെലിനയുമാണ്​ (29) സ്​കോറർമാർ. എന്നാൽ, അവസാന 25 മിനിറ്റി​നിടെ വമ്പൻ തിരിച്ചുവരവുമായി സിറ്റി ഞെട്ടിച്ചു. ബെർണാഡോ സിൽവയാണ്​ (69) ആദ്യ ഗോൾ നേടുന്നത്​. പിന്നാലെ 78ാം മിനിറ്റിൽ ലഭിച്ച വിവാദ പെനാൽറ്റിയും 88ാം മിനിറ്റിലെ തകർപ്പൻ ഹെഡറിലുമായി രണ്ടു ഗോളുകൾ നേടി സെർജിയോ അഗ്യൂറോ സിറ്റിയെ സെമിയിലെത്തിച്ചു.