അവസാന മത്സരം ജയിച്ചിട്ടും ഇന്ത്യക്ക് പരമ്പര നഷ്ടം

റാഞ്ചി: ആസ്ട്രേലിയക്കെതിരായ ഹോക്കി പരമ്പരയിലെ മൂന്നാമത്തേതും അവസാനത്തേതുമായ മത്സരം ജയിച്ചിട്ടും ഇന്ത്യക്ക് പരമ്പര നഷ്ടം. അവസാന മത്സരം 3-2ന് ജയിച്ച ഇന്ത്യ, പരമ്പര വിജയികളെ നിര്‍ണയിച്ച പെനാല്‍റ്റി ഷൂട്ടൗട്ടില്‍ 2-3ന് തലകുനിക്കുകയായിരുന്നു. ആദ്യ മത്സരം സമനിലയിലാകുകയും (2-2) തുടര്‍ന്ന് ഓരോന്നുവീതം നേടി ഇരുടീമുകളും 1-1ന് പരമ്പര സമനിലയിലാകുകയും ചെയ്തതോടെയാണ് പെനാല്‍റ്റി ഷൂട്ടൗട്ട് വിജയികളെ നിര്‍ണയിച്ചത്. പരമ്പര ആസ്ട്രേലിയക്കുമുന്നില്‍ അടിയറവെച്ചെങ്കിലും രണ്ടുദിവസങ്ങള്‍ക്കകം തുടങ്ങാനിരിക്കുന്ന വേള്‍ഡ് ലീഗ് ഫൈനല്‍സിനായുള്ള മികച്ച തയാറെടുപ്പായി ഇന്ത്യക്കിത്.