ഹോക്കിയിൽ  ഇന്ത്യന്‍ വനിതകള്‍ക്ക്  രണ്ടാം തോല്‍വി 

സ്റ്റെല്ളെന്‍ബോഷ്: ദക്ഷിണാഫ്രിക്കന്‍ പര്യടനത്തിനിടെ ജര്‍മനിയോട് ഇന്ത്യന്‍ വനിതാ ഹോക്കി ടീമിന് രണ്ടാം തോല്‍വി. രണ്ടുതവണ മുന്നില്‍ കയറിയതിനുശേഷം 3-2നാണ് ഇന്ത്യന്‍ ടീം തോല്‍വി വഴങ്ങിയത്. ഇന്ത്യക്കായി സുനിത ലക്രയും അനുരാധ ദേവി തോക്ചോമും ഗോള്‍ നേടി. ലിസ മേരി ഷുറ്റ്സിനൊപ്പം പെനാല്‍റ്റി കോര്‍ണറുകളിലൂടെ ഇരട്ടഗോള്‍ നേടിയ ഹന്ന ക്രഗര്‍ ജര്‍മനിയുടെ വിജയശില്‍പിയായി. ആദ്യ മത്സരത്തില്‍ 3-0ത്തിനായിരുന്നു ജര്‍മന്‍ ടീം ഇന്ത്യയെ വീഴ്ത്തിയത്. ചൊവ്വാഴ്ച സ്കോട്ലന്‍ഡിനെതിരെയാണ് ഇന്ത്യയുടെ അടുത്ത മത്സരം.