ഹോക്കി: ഇന്ത്യ ഒളിമ്പിക്സിന്
text_fieldsഭുവനേശ്വർ: ഹോക്കിയിൽ ഇന്ത്യൻ പുരുഷ-വനിതാ ടീമുകൾക്ക് 2020 ടോക്യോ ഒളിമ്പിക്സ് യോഗ്യത. വനിതകൾ യോഗ്യതാ മത്സരത്തിെൻറ രണ്ടാം പാദത്തിൽ അമേരിക്കയോട് 4-1ന് മുട്ടുമടക്കിയെങ്കിലും അഗ്രിഗേറ്റ് സ്കോർ 6-5ന് ജയിച്ചുകയറി തുടർച്ചയായി രണ്ടാം തവണ ഒളിമ്പിക് യോഗ്യത സ്വന്തമാക്കിയത്. ആദ്യ പാദത്തിൽ എതിരാളികളെ 5-1ന് തകർത്ത ഇന്ത്യ രണ്ടാംപാദ മത്സരത്തിെൻറ ആദ്യ മൂന്ന് ക്വാർട്ടറുകൾ പിന്നിടുേമ്പാൾ 4-0ത്തിന് പിറകിലായിരുന്നു.
തൊട്ടുപിന്നാലെ നടന്ന പുരുഷ വിഭാഗത്തിൽ റഷ്യയെ രണ്ടാ പാദത്തിൽ 7-1ന് തകർത്തു. ഇരു പാദങ്ങളിലുമായി 11-3നാണ് ഇന്ത്യയുടെ ജയം. അക്ഷദീപ് സിങ്, രുപീന്ദർ പാൽ സിങ് എന്നിവർ ഇരട്ട ഗോൾ വീതം നേടി. ലളിത് ഉപധ്യായ്, നിലകണ്ഡ ശർമ, അമിത് രോഹിദാസ് എന്നിവർ ഓരോ ഗോളും നേടി.
വനിതകളിൽ 4-0ത്തിന് തോറ്റു നിൽക്കെ അവസാന ക്വാർട്ടറിൽ 48ാം മിനിറ്റിൽ നായിക റാണി റാംപാലിെൻറ സ്റ്റിക്കിൽനിന്നാണ് മത്സരത്തിെൻറ ഗതി നിർണയിച്ച ഗോൾ പിറന്നത്. ഇതോടെ അഗ്രിഗേറ്റ് ഇന്ത്യക്ക് അനുഗ്രഹമായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.