വനിതാ ഹോക്കി:  ഇന്ത്യക്ക് രണ്ടാം ജയം

സിംഗപ്പൂര്‍: പുരുഷ കിരീടനേട്ടത്തിനു പിന്നാലെ ഏഷ്യന്‍ ചാമ്പ്യന്‍സ് ട്രോഫി ഹോക്കി വനിതാ വിഭാഗത്തിലും ഇന്ത്യയുടെ വിജയക്കുതിപ്പ്. റൗണ്ട് മത്സരത്തില്‍ മലേഷ്യയെ 2-0ത്തിന് തോല്‍പിച്ച ഇന്ത്യ ഫൈനല്‍ ബര്‍ത്തുറപ്പിച്ചു. ഏഴാം മിനിറ്റില്‍ പൂനം റാണിയും  45ാം മിനിറ്റില്‍ ദീപികയുമാണ് സ്കോര്‍ ചെയ്തത്. ആദ്യ മത്സരത്തില്‍ ജപ്പാനോട് സമനില വഴങ്ങിയവര്‍, രണ്ടാം മത്സരത്തില്‍ ദക്ഷിണ കൊറിയയെ 2-1ന് തോല്‍പിച്ചിരുന്നു. അയല്‍ക്കാരായ ചൈനക്കെതിരെയാണ് അവസാന ഗ്രൂപ് മത്സരം.