ഹോക്കി: ഇന്ത്യൻ വനിതകൾക്ക്​  ഫൈനലിൽ തോൽവി

ദോൻഗെ സിറ്റി (കൊറിയ): ഏഷ്യൻ ചാമ്പ്യൻസ്​ ട്രോഫി കിരീടം നിലനിർത്താനിറങ്ങിയ ഇന്ത്യൻ വനിതകൾക്ക്​ തോൽവി. ആദ്യ റൗണ്ടിൽ ഏറ്റവും കൂടുതൽ പോയൻറുമായി ഫൈനലിലെത്തിയ ഇന്ത്യയെ ആതിഥേയരായ ദക്ഷിണ കൊറിയയാണ്​ 1-0ത്തിന്​ തോൽപിച്ചത്​.

24ാം മിനിറ്റിൽ യങ്​സിൽ ലീയാണ്​ കൊറിയയുടെ വിജയഗോൾ നേടിയത്​. മത്സരത്തിലുട നീളം മികച്ച പ്രതിരോധത്തിലൂന്നി കളിച്ച കൊറിയ ഇന്ത്യയെ ഗോൾനേടാൻ അനുവദിച്ചില്ല. ആദ്യ ഘട്ടത്തിൽ ആക്രമിച്ചുകളിച്ച്​ ഇന്ത്യൻ പ്രതിരോധനിരക്കാർക്ക്​ കൊറിയൻ മുന്നേറ്റം കനത്ത തലവേദന സൃഷ്​ടിച്ചു.

എന്നാൽ, പ്രത്യാക്രമണവുമായി ഇന്ത്യയും ഉണർന്നുകളിച്ചെങ്കിലും ഗോൾ അകന്നു നിന്നു​. ഗോൾകീപ്പർ സവിതയുടെ മികച്ച സേവുകളാണ്​ രണ്ടാം പകുതിയിൽ തുണയായത്​. ടൂർണമ​െൻറി​​െൻറ അഞ്ച്​ എഡിഷനുകൾ പൂർത്തിയായപ്പോൾ 2010, 2011 വർഷങ്ങളിൽ ജേതാക്കളായ കൊറിയയുടെ മൂന്നാം കിരീട വിജയമാണിത്​.