യൂത്ത് ഒളിമ്പിക്സ്: ഹോക്കിയിൽ ഇന്ത്യക്ക് ഇരട്ട വെള്ളി
text_fieldsബ്വേനസ് െഎറിസ്: യൂത്ത് ഒളിമ്പിക്സ് ഹോക്കിയിൽ ഇന്ത്യക്ക് ഇരട്ട വെള്ളി. ആൺ-പെൺ വിഭാഗങ്ങളിൽ ഫൈനലിൽ കടന്ന ഇന്ത്യൻ കൗമാരം സ്വർണ പോരാട്ടത്തിൽ തോൽവി വഴങ്ങി. ആൺകുട്ടികൾ മലേഷ്യയോട് 2-4നും പെൺകുട്ടികൾ അർജൻറീനയോട് 1-3നുമാണ് കീഴടങ്ങിയത്. യൂത്ത് ഒളിമ്പിക്സ് ഹോക്കിയിൽ ഇന്ത്യയുടെ ആദ്യ വെള്ളിമെഡൽ നേട്ടമാണിത്.
മലേഷ്യക്കെതിരെ ആദ്യ രണ്ട് മിനിറ്റിൽ വിവേക് സാഗർ പ്രസാദിലൂടെ ഇന്ത്യ ലീഡ് നേടിയെങ്കിലും എതിരാളികൾ തിരിച്ചടിച്ചു. എന്നാൽ, ആദ്യ പകുതിക്കുമുേമ്പ വിവേക് പ്രസാദിലൂടെ ഇന്ത്യ ലീഡ് (2-1) പിടിച്ചു. പക്ഷേ, ഇടവേളക്കുശേഷം ആക്രമിച്ചു കളിച്ച മലേഷ്യ മൂന്ന് ഗോളുകളാണ് തിരിച്ചടിച്ചത്.
വനിതകളിൽ തുടക്കം മുതലേ മേധാവിത്വം സ്ഥാപിച്ചാണ് അർജൻറീന ജയിച്ചുകയറിയത്. ഇതോടെ, മൂന്നു സ്വർണവും ഏഴ് വെള്ളിയുമായി ഇന്ത്യ 10ാം സ്ഥാനത്താണ്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.