റാണി രാംപാലിന്​ ‘വേൾഡ്​ ഗെയിംസ്​ അത്​ലറ്റ്​’ നാമനിർദേശം

ന്യൂഡൽഹി: ഇന്ത്യൻ വനിത ഹോക്കി ടീം നായിക റാണി രാംപാലിനെ ‘വേൾഡ്​ ഗെയിംസ്​ അത്​ലറ്റ്​ ഓഫ്​ ദി ഇയർ’ പുരസ്​കാരത്ത ിനായി അന്താരാഷ്​ട്ര ഹോക്കി ഫെഡറേഷൻ (എഫ്​.ഐ.എച്ച്)​ നാമനിർദേശം ചെയ്​തു. ഹോക്കി ഗ്രൗണ്ടിലെ പ്രകടന മികവും നേതൃപാടവവും പരിഗണിച്ചാണ്​ എഫ്​.ഐ.എച്ച്​ റാണിയെ നാമനിർദേശം ചെയ്​തത്​. റാണിയുടെ കീഴിൽ ഇന്ത്യ തുടർച്ചയായി രണ്ടാം ഒളിമ്പിക്​സിന്​ യോഗ്യത നേടി ചരിത്രം കുറിച്ചിരുന്നു.

25 നാമനിർദേശങ്ങളിൽനിന്ന്​ ഓൺലൈൻ വോട്ടിങ്ങി​​െൻറ അടിസ്​ഥാനത്തിൽ ജനുവരി 30ന്​ വിജയി​യെ പ്രഖ്യാപിക്കും. കളിക്കളത്തിലെ അത്​ലറ്റി​​െൻറയോ ടീമി​​െൻറയോ പ്രകടനമികവും സാമൂഹിക പ്രതിബദ്ധതയും നല്ല പെരുമാറ്റരീതികളും കണ്ടെത്തി ആദരിക്കുക എന്ന ലക്ഷ്യം മുൻനിർത്തിയാണ് പുരസ്​കാരം സമ്മാനിക്കുന്നത്​. കഴിഞ്ഞ വർഷം റഷ്യൻ അക്രോബാറ്റിക്​ ദമ്പതികളായ മരിയ ചെർണോവയും ജോർജി പടാറയിയുമാണ്​ പുരസ്​കാരം നേടിയത്​.