ചെസിൽ പുതുവിപ്ലവം; വർണവിവേചനത്തിനെതിരായ സന്ദേശവുമായി കാൾസനും അനിഷ്​ ഗിരിയും

ഒാസ്​ലോ: വെള്ളക്കരുവിൽ തുടങ്ങുകയാണ്​ ചെസിലെ നിയമം. എന്നാൽ, നിറത്തി​​െൻറ പേരിലെ വിവേചനത്തിനെതിരെ ചതുരംഗക്കള ത്തിൽ ​പ്രതീകാത്മക വിപ്ലവം നടത്തിയിരിക്കുകയാണ്​ ലോക ചെസ്​ ചാമ്പ്യൻ മാഗ്​നസ്​ കാൾസനും ഗ്രാൻഡ്​മാസ്​റ്റർ അന ിഷ്​ ഗിരിയും. ​െഎക്യരാഷ്​ട്രസഭയുടെ വർണ വി​വേചന വിരുദ്ധദിനാചരണത്തി​ന്​ ​െഎക്യദാർഢ്യം പ്രഖ്യാപിച്ച ഇരുവരും ചതുരംഗ കളത്തെ പോർമുഖമാക്കി.

വെള്ളക്കരുവിൽ കളി തുടങ്ങുന്ന നിയമം ലംഘിച്ച്​ കാൾസൻ ആദ്യം കറുപ്പ്​ കരു നീക്കി. ​ഒാസ്​ലോയിൽ നടന്ന പ്രദർശന മത്സരത്തിലായിരുന്നു ഇൗ വിപ്ലവം. കളി സമനിലയിൽ പിരിഞ്ഞു. മാർച്ച്​ 21ന്​ നടന്ന മത്സരത്തെ പിന്തുണച്ചും വിമർശിച്ച്​ ആരാധകർ രംഗത്തെത്തിയെങ്കിലും സമത്വത്തിനായുള്ള പോരാട്ടത്തിൽ ഏറ്റവും മികച്ച പ്രചാരണമായാണ്​ നീക്കത്തെ വിശേഷിപ്പിക്കുന്നത്​.

‘ചെസിലെ നിയമം ഞങ്ങൾ ലംഘിച്ചു. വംശീയമോ രാഷ്​ട്രീയമോ ആയ നിയമമല്ലിത്​. എന്നാൽ, നിറത്തി​​െൻറ പേരിൽ ജീവിതത്തിലോ മറ്റോ വല്ല മേന്മയു​മുണ്ടെന്ന്​ വിശ്വസിക്കുന്നവർക്ക്​ തിരുത്താനുള്ള ഒരു സന്ദേശം നൽകാനാണ്​ ശ്രമിച്ചത്’ -കാൾസൻ പറഞ്ഞു. ‘ഇതൊരു പ്രതീകാത്മക മുന്നേറ്റമാണെന്ന്​ അനിഷ്​ ഗിരിയും വ്യക്തമാക്കി.

കാൾസനെയും അനിഷിനെയും അഭിനന്ദിച്ചും പിന്തുണ പ്രഖ്യാപിച്ചും ലോകതാരങ്ങൾ രംഗത്തെത്തി. ചെസ്​​ നിയമത്തിലോ കളിയിലോ ഇത്തരമൊരു വിവേചനമില്ലെങ്കിലും വർണവെറിക്കെതിരെ ലോകത്തിന്​ നൽകാനാവുന്ന മികച്ച ​സന്ദേശമാണിതെന്നായിരുന്നു അമേരിക്കൻ ഗ്രാൻഡ്​ മാസ്​റ്റർ സൂസൻ പൊൾഗാറി​​െൻറ പ്രതികരണം.