നദാലിനെ വീഴ്ത്തി; ഫെഡറര്‍ക്ക് കിരീടം

ബേസല്‍: സ്വന്തം മണ്ണിലെ കിരീടം ചിരവൈരിക്കു മുന്നിലും റോജര്‍ ഫെഡറര്‍ അടിയറവെച്ചില്ല. 21 മാസത്തെ കാത്തിരിപ്പിനുശേഷം പരസ്പരം ഏറ്റുമുട്ടി, ടെന്നിസ് പ്രേമികളെ ഒന്നാകെ കോരിത്തരിപ്പിച്ച പോരാട്ടത്തിനൊടുവില്‍ റാഫേല്‍ നദാലിനെ തോല്‍പിച്ച് സ്വിസ് ഇന്‍ഡോര്‍സ് ബേസല്‍ ഓപണില്‍ ഫെഡറര്‍ ഏഴാം കിരീടമുയര്‍ത്തി. 6-3, 5-7, 6-3നാണ് ‘ഫെദാല്‍’ പോരാട്ടം സ്വിസ് മാസ്റ്റര്‍ സ്വന്തമാക്കിയത്. മൂന്നര വര്‍ഷത്തിനുശേഷമാണ് നദാലിനെതിരെ ഫെഡറര്‍ ജയിക്കുന്നത്.