ടെന്നീസ്: പേസ്- ബൊപ്പണ്ണ സഖ്യം പുറത്ത്

റിയോ ഡെ ജനീറോ: റിയോയിലെ ആദ്യ ദിനം ഇന്ത്യക്ക് നഷ്ടക്കച്ചവടം. ടെന്നിസില്‍ മെഡല്‍ പ്രതീക്ഷയുമായി ഇറങ്ങിയ ലിയാണ്ടര്‍ പേസ്-രോഹന്‍ ബൊപ്പണ്ണ സഖ്യവും ടേബ്ള്‍ ടെന്നിസ് വനിതാ സിംഗ്ള്‍സില്‍ മൗമ ദാസ്, മാനിക ബത്ര എന്നിവരും, വനിതാവിഭാഗം ഷൂട്ടിങ്ങില്‍ അയോണിക പോളും അപൂര്‍വി ചന്ദേലയും ആദ്യ റൗണ്ടില്‍ പുറത്തായി.

പോളണ്ടിന്‍െറ കുബോട്ട്-മറ്റ്കോവ്സ്കി സഖ്യത്തിനോട് നേരിട്ടുള്ള സെറ്റിനാണ് പേസ് ബൊപ്പണ്ണ സഖ്യം തോറ്റത്. സ്കോര്‍: 4-6, 6-7. പേസിനൊപ്പം കളിക്കാനാവില്ളെന്ന ബൊപ്പണ്ണയുടെ നിലാപടിനെ തുടര്‍ന്നുണ്ടായ വിവാദത്തിനൊടുവില്‍ റിയോയിലത്തെിയ സഖ്യം നിരാശാജനകമായ പ്രകടനമാണ് കാഴ്ചവെച്ചത്. ആദ്യ സെറ്റില്‍ 4-4ന് ഒപ്പം പിടിച്ചെങ്കിലും അവസാന രണ്ട് ഗെയിമുകളും ഇന്ത്യന്‍ സഖ്യം അടിയറവെച്ചു. രണ്ടാം സെറ്റിലും ആധിപത്യം പോളിഷ് സഖ്യത്തിനായിരുന്നു. അവസാനനിമിഷ പോരാട്ടത്തിലൂടെ 5-5ന് ഒപ്പം പിടിച്ചെങ്കിലും ടൈബ്രേക്കറിലൂടെ പോളണ്ട് വിജയം തട്ടിയെടുത്തു. ടേബ്ള്‍ ടെന്നിസില്‍ റുമേനിയയുടെ ഡാനിയേല ഡോഡീനോടാണ് ഇന്ത്യയുടെ മൗമാദാസ് തോറ്റത്. സ്കോര്‍: 2-11, 7-11, 7-11, 3-11. ഏകപക്ഷീയമായ പോരാട്ടത്തിലാണ് 58ാം റാങ്കുകാരിയായ ഡാനിയേല 150ാം സ്്ഥാനത്തുള്ള മൗമാ ദാസിനെ കീഴടക്കിയത്. ബത്രയെ പോളണ്ടിന്‍െറ കതാര്‍സിനയോട് കീഴടങ്ങി.